الهيدروليك Vs النيوماتيك

.
الاتنين بنفس المبدأ .. بنستخدم فلويد بضغط عالي فى توليد قوة ميكانيكية من خلال بساتم أو مواتير ..
.
لكن دواير الهيدروليك بتستخدم زيت و دواير النيوماتيك بتستخدم هواء ..
الهيدروليك ميزته الأساسية في إنه بيشتغل بضغوط عالية مقارنة بالنيوماتيك .. يعني مثلا ممكن تشتغل عند 300 بار فى حين انك فى حال النيوماتيك هتشتغل عند 6 بار ..
.
دا معناه انك لو جبت بستم قطره 100 مم هتقدر تشيل بيه 470 كيلو جرام فى حالة النيوماتيك و 23500 كيلو جرام فى حالة الهيدروليك .. الفرق واضح .. 50 ضعف ..
غير انه غير قابل للانضغاط بعكس الهواء .. ودا ممكن يسبب مشاكل فى دقة الحركة ..
.
على النقيض هتلاقى ان النيوماتيك له مميزات تانية ..
نضيف ( المدام مش هتنيمك على السلم لو رجعتلها ببقعة زيت هيدروليك ) ..
آمن .. لانه مبيعتمدش على الزيت القابل للاشتعال زى الهيدروليك ..
رخيص .. سريع ..
.
وفي الصيانة هتلاقى تكلفة صيانة الهيدروليك اعلى .. مشاكله اكتر .. فعلى سبيل المثال هتلاقى ان زيت معدات الهيدروليك مكلف جدا ومينفعش تستخدم اى نوع لاى معدة هيدروليكية .. ولو خلطت نوعين على بعض ممكن يعمل رغوة تخربلك الدنيا ..

النيوماتيك عامل زى اللبنانية .. مريحة كدا وبسكوتة فى نفسها .. بس مبتتحملش ..
الهيدروليك عامل زى المصرية .. متعبة وهتبيعك اللى وراك واللى قدامك لحد ما تتجوزها بس بتتحمل .. كفاية انها مستحملاك ..