.
فيه عوامل كتير بنختار على اساسها البيرنج .. النوع .. المقاس .. طريقة التثبيت .. نوع الاحمال .. قيمتها .. درجات الحرارة .. التشحيم والتزييت .. السرعات .. إلخ ..
.
بعد ما خلصنا كلام عن البيرنج فى التدريب الصيفي .. وعرفنا الانواع وشوفناها واسماءها فى السوق و غيره .. كنت بشرح ازاى تقدر تعمل سيليكشن ليها فى عشر دقايق من غير ما تحتاج تذاكر او تحفظ حاجة .. ودا اللى بيتدرس فى ترم كامل !!
.
فعن طريق الاداة البرمجية اللى بنستخدمها .. لما بتحدد عامل بيديك عدد معين من القطع المناسبة .. كل ما تحدد عامل العدد بيقل لحد ما يبقى عندك مثلا 3 -4 اختيارات تختار بينهم .. وكلهم ينفعوا ..
.
فحبيت اضرب مثال للعملية دى .. بقولهم تخيل مثلا انك عايز تتجوز من منطقتك .. قلت مش هتجوز غير البنات اللى بيصلوا 5 صلوات .. طلعوا 100 بنت .. وبعدين قلت مش هتجوز غير بنت حلوة .. فشوفنا الحلوين منهم العدد بقى 50 .. وبعدين قلت مش هتجوز غير من خريجة هندسة .. ولسة هقول العدد هيبقى مثلا 5 ..
.
طلع احد المهندسين العظماء متعرفش منين .. بكل تلقائية .. قال ( صفررررررررررررر ) 😂😂😂😂
.
وعم الفرح والسرور .. وملأت الضحكات اطراف المكان ..
.
القاعدة بتقول : مينفعش شباب هندسة ميتريقوش على شكل بنات هندسة .. بسبب وبدون سبب .. ولما ييجوا يتجوزوا غالبا بيتجوزوا منهم لان انتاج صيدلة و عمارة مبقاش زي زمان 😂