فايزة العايزة ..

تعالى احكيلك حكايتها ..

.

فايزة هتموت وتسيطر على مضيق باب المندب بسبب حصته من التجارة العالمية ..

حاولت تاخد جزيرة سقطرى من اليمن معرفتش ..

بعتت جيشها اللي نصه باكستانيين والنص التاني هنود وبالفعل سيطروا على الجنوب وميناء عدن .. لكن اللي بيحكموا الشمال قفلولهم الميناء بالصو!ريخ .. فباظت خطة اليمن مؤقتا ..

.

تقوم تعمل ايه ؟! تروح للسودان .. ترشي كيان الدعم السريع تخليه ينفصل ويتمرد و يسحل اهله وشعبه ويستعين بقوات افريقية عليهم ..

بس مصر دخلت على الخط .. حميدتي اتهم مصر انها بتنفذ ضربات جوية و وزير الخارجية أنكر .. بعدها بقينا نتعمد نخلي الطيران يطير على ارتفاع منخفض علشان اهل اسوان والجنوب يشوفوه ويشوفوا اتجاهه .. وحميدتي بيلطم .. غير دعم السودان مخابراتيا وعسكريا بشكل غير رسمي ..

ودا وقف تقدم حميدتي فترة و بفضل الله ثم بسالة الجيش السوداني الوطني بقالهم فترة بيحققوا انتصارات متتالية ..

.

تقوم تعمل ايه ؟ تروح للصومال .. الصومال ترفض تديها ميناء ..

فتدعم المتمردين في صومالي لاند شمال الصومال علشان ينفصلوا بدولة لوحدهم وفي المقابل يدوها ميناء .

.

دعمهم لصومالي لاند مش كفاية .. فتعمل ايه ؟ تاخد اثيوبيا تحت جناحها وتعشمها بشريط حدودي يوصلها لشقة اوضة وصالة على البحر .. لان اثيوبيا ملهاش اي منافذ على البحر .. وعلشان تقدم السبت راحت ممولة سد النهضة .. فاثيوبيا قدمت الحد و حطت ايديها في ايدين انفصاليين صومالي لاند ..

.

تقوم مصر تجيب رئيس الصومال وقائد الجيش يقعدوا اسبوع .. ترجعهم بمدرعات ودبابات مصرية .. وفرق تدريب وتاخد من عندهم جنود يتدربوا .. ولأول مرة في تاريخ الصومال الحديث يطلع رئيس الصومال يقول بشكل مباشر من القاهرة .. الآن فقط .. لن نقبل بأي إملاءات خارجية .. ويدي اثيوبيا فرصة للانسحاب والا الحرب ..

بالتوازي مصر تعمل قاعدة عسكرية بالجنوب .. سلاح الطيران تحديدا رايح جاي في تدريب مشترك مع اخواننا السودانيين حيث المطارات القريبة من سد النهضة و صومالي لاند ..

.

فايزة معاها قرشين عملتهم من شغلها في الاعارة ..فتقوم ايه؟ تلاقي بلد زي مصر مزنوقة تروح تعرض عليها تشتري ميناء .. فمصر تقولها مفيش شراء .. تمامك ادارة لوجيستيات وحق انتفاع بمنطقة خدمية ..

فتروح تضخ فلوس في مشروع سياحي .. فمصر تقولها مفيش تمليك اراضي لاجانب .. المشروع بشراكة مصرية .. الارض بتاعتنا والمباني عليها شرك بيننا وبينكم ..

وربنا يديم الاونطة والحروب بالوكالة في ٤ بقع في محيطنا ..

.

نسيت أقولك فايزة العايزة اشترت تنظيم مسلح في ليبيا .. بيفشل كل محاولة للوحدة مرة تانية .. والهدف ياخدوا النفط ويعملوا منطقة لوچيستية على البحر المتوسط .. او يمدوا خطوط برية من صومالي لاند فأثيوبيا فجنوب السودان فليبيا ..

ومفيش مانع لو الدعم السريع احتاج مساعدة يساعدوه ..

.

.

فايزة العايزة عارفة انها مش هتقدر تفتح كل العداوات دي وتصمد لوحدها .. تقوم تبعت مساعدات للكيان .. وتدعم آليات لأبو شباب في القطاع وتدعمه بالمال والسلاخ .. ومن ايام حرب ٢٠٠٨-٢٠٠٩ وهي بتقدم فروض الولاء والطاعة والاهالي هناك بيرفعوا نجمة داوود عادي كدا .. بكل فخر !!

.

فايزة استغلت الضرر الواقع على قناة السويس في عز احتياج مصر للدولار .. فطلبت منها استهداف صنعاء.. مصر رفضت .. طلبت من امريكا تطلب من مصر .. ترامب بعت طلب رسمي لتشكيل قوة مشتركة لتأمين باب المندب .. طلع وزير الخارجية وقالها صريحة .. مصر مش هتوجه سلاحها تجاه اخوانها اليمنيين ..

.

دا بقى يا سيدي لهطة من اللي بتعمله فايزة في المنطقة

وحلاوتك يا فايزة .. لما تكوني عايزة