أكذوبة (مصر مفيهاش تصنيع .. مصر فيها تجميع)
احتراما لوقتك البوست هياخد منك دقيقة
.
بص يا حبيبي على الايفون دا وشوف مكوناته منين :
كاميرا من سوني .. كنترولر من انتل .. ميمورى من توشيبا .. واي فاي من موراتا .. جي بي اس من برودكوم .. شاشة تاتش من يو اس اي .. هول سنسور من اي كي ام .. إلخ
.
هو دا الايفون ومع كل اصدار بتختلف الشركات المصنعة لقطع الغيار .. محدش في العالم كله قال شركة ابل بتجمع مش بتصنع زى ما اتقال على التابلت والموبايل بتاعنا و بيتقال على الصناعة عندنا عموما من غير المتخصصين او الطلبة اللى لسة محطوش رجلهم فى السوق وبينقلوا كلام غيرهم !!
.
عايزك تنزل اكتوبر .. العاشر .. السادات .. وغيرهم من المناطق الصناعية .. شوف مصنع مثلا زي يونيون اير في اكتوبر .. اكتر من مصنع ضخم هناك وحوالين كل مصنع هتلاقى ورش كتير للانتاج الكمي لقطع الغيار .. الورشة اللى بتصنع عين بوتوجاز .. الورشة اللى بتصنع فونية غاز .. الورشة اللى بتصنع المحبس .. إلخ
.
الجملة دى وهم وانا حقيقي مش مستوعب احنا ليه دايما بنميل للتقليل من نفسنا !!
يا اخي لو مش قادر تكون جزء من منظومة بتزق العجلة لادام .. فعلى الاقل متبقاش حجر عثر فى طريقها ..
