بوحة الصباح
اللى في الصورة دا أشهر طيار هندي .. بطل قومي هناك .. سنة 2019 طلع بطيارته اخترق الحدود الباكستانية
بلغ عن اسقاط طائرة f-16 باكستانية دخلت في اشتباك معاه .. وبعدين هووووووب الباكستانيين ظرفوه لبوسة جو-جو و وقعوه ..
نزل وسط الاهالي نفخوه ضرب زي ما باين على خلقة امه … بس الجيش الباكستاني لحقه واخده منهم وشربه شاي وصوره فيديو وهو بيمدح في معاملتهم له اللى باينة على وشه ..
.
الطيار دا اخد أعلى نيشان بطولة في سلاح الجو الهندي لإنه كان شجاع جدا في اسقاط الطائرة F-16 الباكستانية .. والهنود ليل نهار بيتكلموا عن بطولاته ..
.
باكستان طلعت قالت مفيش طيارات وقعت .. دول عاملين فيلم هندي .. حتى اسألوا المفتشين الامريكان اللى بيفتشوا على طياراتهم لصيانتها و كتابة تقارير فنية باستمرار وفقا للعقد بينهم ..
.
الأمريكان طلعوا بيان قالوا ان طيارات اف 16 الباكستانية كاملة مش ناقصة ولا طيارة ..
فطلع قائد سلاح الجو الباكستاني ونشر صور طيارة بوحة وقت اسقاطها وهي كاملة التسليح .. مفيهاش صاروخ واحد ناقص .. وقالهم يا جماعة الطيار دا يستحق المزيد من أوسمة الشجاعة لإنه لم يستخدم صاروخ واحد لاسقاط الطائرة الباكستانية .. بل أخرج مسدسه من جيبه وعمل بيو بيو بيو ..
.
.
.
صحيح بالمناسبة
في نفس السنة .. الهنود كانوا بيجربوا اول غواصاتهم النووية بتكلفة 3 مليار دولار .. الغواصة آي إن إس آريهانت .. كرو الغواصة استعد للغوص .. نزلوا .. وبعدين اكتشفوا ان الطاقم نسيوا يقفلوا إحدى البوابات فبمجرد نزول الغواصة المية دخلت لغرفة محركات الدفع .. والغواصة غرقت ..
.
ملحوظة : القصتين بجد مش نكت ..