تمويل مشروع تخرج حاسبات ونظم – اتصال

.
الشباب اللى بتدور على مشكلة فى مصنع او حاجة السوق محتاجها علشان يشتغلوا عليها كمشروع تخرج ..
.
دى انترفيس بورد .. بتستخدم لماكينات السى ان سى ..
البوردة تمنها 1350 فى السوق ( اكتر من ضعف تمنها برا لكن صعب تدخلها ) ..
البوردة العادية منها ب 550 واستقرارها افضل بمراحل ومصنوعة فى مصر ( افضل من كل المستورد ) .. والحاجة الـ industrial اوى تمنها 3500 وانت طالع ..
لكن الفرق .. ان البوردة المصرية وشبيهاتها من المستوردة بتحتاج علشان تشغلها كمبيوتر قديم جدا فيها LPT Port .. منفذ التوازى ولازم تستخدم نسخة اكس بى او بالكتير 7 وتكون 32 بت.. والبوردة دى بتشتغل من خلال USB من اى كمبيوتر واى نظام تشغيل ..
والاتنين متوافقين مع برنامج اسمه Mach3
.
وبالمناسبة .. البوردة دى بمجرد ما وصلتها زى ما الداتا شيت اللى جاية معاها بتقول ( فرقعت ) .. واضطريت اعمل العملية الجراحية اللى واضحة فى الصورة واغير اكتر من عنصر فيها .. والحمد لله اشتغلت تاني ..
.
الفكرة كلها .. اننا محتاجين فريق مهندسين مميزين .. يشتغلوا على التبديل بين بروتوكولات الاتصالات المختلفة .. ويا سلام لو هنستخدم Ethernet مش USB .
.
.
حابب يكون دا مشروع تخرجك وشايف انك هتقدر تنجز التاسك بشكل احترافي ؟
شركة RTE هتمول المشروع بالكامل بما فيه تكلفة الطباعة والتصنيع .. وبتعاقد هيتم بينكم كمجموعة وبين الشركة هيتم تصنيعها بكميات وطرحها فى السوق ومشاركة الارباح بين الطرفين ..
.
.
كل اللى هتحتاجه علشان تحصل على التمويل .. انك تعمل نموذج اولى ( ولو على بريد بورد ) ونشغله مع بعض ( بدون مشاركة اى داتا ) .. بس كدا .. واحنا على استعداد لتمويل اكتر من مجموعة والافضل بينهم هي اللى هيتم انتاج مشروعها وطرحه فى السوق .
>
<
تعديل : الموضوع مش مجرد PCB ولا كونفرتر .. انت هتحتاج تعمل Plugin للسوفت وير علشان يقدر يفهم اشارات الدخل والخرج وفقا للبروتوكول الجديد .. وعموما دا اسم البوردة بسيرش عنها تقدر توصل لكل اللى انت عايزه STB5100 .. وانت كانت غير مرضية بالنسبالى لكن هتبقى بداية كويسه.