واحدة من اصيع الحروب بين كوكاكولا وبيبسي

.
ظهر هوس فى التسعينات اسمه ( هوس النقاء – Purity Mania ) ..
شركات فى مجالات مختلفة اكتشفت انهم لما ينزلوا منتجات صافية المظهر المستهلكين هيعتقدوا انها نقية التكوين ..
.
وبدأت شركات الصابون تنتج صابون شفاف .. زبدة الكاكاو بقت شفافة .. حتي مقوى الاظافر بعد ما كان بياخد لون زى المانيكير بقى شفاف .. إلخ ..
.
شركة بيبسى قررت تمشى مع التريند و تنتج منتج شفاف تماما اسمه ( كريستال بيبسي ) . وكعادتها نزلته للاختبار فى مدن متفرقة و حققت مبيعات عظيمة فنشرته على نطاق واسع ..
.
كوكاكولا تسكت ؟ طبعا لا ..
مبيعات كوكاكولا قلت بسبب منتج بيبسي الجديد .. والحملات التقليدية لكوكاكولا اللى كانت ولا زالت شوية مشاهد حماسية مع موسيقي شبابي وحركة كتير .. كل الكلام دا مش هينفع ..
فقررت تنزل منتج ( انتحاري ) .. تضرب بيه سمعة كل منتجات المياه الغازية الشفافة اللى بطعم الكراميل وعلى رأسها ( بيبسي كريستال ) ..
.
عملت منتج جديد طعمه قذر .. وطبعا محطوش عليه اسم كوكاكولا .. اطلقوا عليه اسم ( تاب كلير ) .. وغرقت بيه السوق مباشرة بدون دعايا تذكر ..
.
فى خلال 6 شهور الناس كرهت كل منتجات الكولا الشفافة .. كوكاكولا حققت خساير لا تذكر لانها مصرفتش بربع جنيه اعلانات + انها كانت مخططة للانسحاب من السوق بمنتجها تاب كلير على عكس بيبسى اللى كانت مخططة انه يكون منتج دائم ..
اما بيبسي .. فصرفت ملايين على الدعايا لدرجة انهم كانوا بيوزعوه مجانا مع الجرايد و غيرهم ملايين دفعوها للموزعين كقيمة المرتجعات الخيالية من منتجهم بيبسي كريستال ..