هرمونات الرجل تسبب …

أي تغير في معدل هرمونات الأنوثة بيسبب درجات مختلفة من التوتر النكد الاكتئاب العصبية .. إنت كراجل لازم تفهم ده.. والستات بيطالبوك بمراعاة طبيعة المرأة لإن ده مش بإيديها ..
طيب هرمونات الرجل بتعمل إيه ؟!
في دراسة من سنة 2015 لجامعة لوزان .. سويسرا .. اكتشفوا إن هرمون التستوستيرون كان المسئول عن نازية هتلر .. وإنه كان المحرك لقادة الحرب العالمية التانية ..
وأجروا عدة دراسات على 718 شاب تم اختيارهم بشكل عشوائي ..
كانت نتيجة الدراسة إن هرمون الذكورة بيتسبب في العصبية والعنف والأنانية .. والكلام دا مش جديد وإن كانوا أثبتوه بشكل أعمق عن طريق تجارب جديدة .. لكن هتلاقي آلاف الأبحاث بتتكلم عن (( غريزة الصيد )) الموجودة في الرجل بسبب هرموناته .. الرجل في تأهب دائم للاشتباك .. عصبي .. عنيف .. بيحب استعراض قواه .. مبيحبش حد يتسلط عليه ..
دراسة تانية اتعملت سنة 2009 من قبل فريق بحثي بقيادة د. نك نيف بجامعة Northumbria بلندن .. بتتكلم عن تأثير هرمون الذكورة على سلوك الرجال ..
كغيرها من الدراسات بتأكد إن هرمون الذكورة بيتسبب في ميول الرجل للعنف و التأهب للاشتباك و العصبية .. والكلام دا مش جديد وهتلاقيه في مليون دراسة تانية لكن الدراسة كانت دسمة جدا وبتتكلم في جوانب سيكولوجية عن قرب أكتر من سابقاتها ..
من الجوانب إللي عجبتني في الدراسة هي تأثير هرمونات الجنس على التنافسية .. فبيقولك إن الإستروجين بيخلق تنافسية في أي حاجة تقريبًا غير متعلقة بالقدرات البدنية ..
أما التستوسترون بيخلق تنافسية بدنية ..
علشان كدا تلاقي البنات بيتعاملوا مع نتايج الامتحانات كأنها آخر الدنيا .. أما الولاد فمبتحسش بالتنافسية عندهم غير في الكورة .. الخناقات .. الرياضات .. إلخ .
كذلك في دراسة قديمة سنة 2000 لدكتور Wang et al. جامعة ووهان – الصين .. بيتكلم في نفس الموضوع وبيوضح إن الهرمونات دي هي المتسببة في السلوك الجنسي للطرفين .. فتلاقي هرمونات الرجل بتخليه ميال إنه يكون مسيطر في العلاقة .. هرمونات الأنوثة بتخلي الست مستسلمة .. فشكل العلاقة في ذهن الراجل والست بتبقى أشبه بـ (المفترس والفريسة) ..
هكتفي بالقدر ده من الدراسات .. هسيبلكم لينكات للأبحاث دي وجواها هتلاقي إحالات لعشرات الأبحاث ..
فحضرتك أختي الكريمة وإنت أخي الكريم .. فرملوا هرموناتكم قدر الإمكان بحيث لما تحصل فلتات فين وفين تعرفوا تستحملوا بعض وتتجاوزوها ..
والكلام للستات قبل الرجالة ..
هتسوقي فيها وتركبيله وش خشب 24/7 بحجة هرموناتك .. متزعليش لما يصبحك بعلقة ويمسيكي بعلقة بحجة هرموناته .. وياريت تطلقوا علشان المجتمع مش ناقص عيال معاتيه ناتجين عن تزاوج راجل وست مركوبين بهرموناتهم..