المعادلة دى بتقدر تحسب من خلالها العمر الافتراضى لدلائل hiwin المربعة
اخطر تيرم فى المعادلة هو Fh .. معامل الصلادة ..
.
عايز تستوعب ازاى تغيير صغير فى صلادة الدليل ممكن يفرق بشكل بشع فى الاداء و العمر الافتراضي ؟!!
وفقا لمعادلات شركة هايوين .. فلو قولنا اننا بدل ما نستخدم خامة صلادتها 58 HRC هنستخدم خامة صلادتها 52 HRC .. دا هينزل معامل الصلادة من 1 الى 0.6
>
عوض بالرقم دا فى المعادلة هتلاقى انك بتاخد 18.2% من العمر الافتراضي للدليل ..
يعني لو مفروض تغير دلايل مكنتك بعد 10 سنين هتغيرها بعد اقل من سنتين ..
.
دا بافتراض اننا استخدمنا خامة صلادتها 52 على روكويل سكيل .. مش خامات اكثر رداءة .. فمثلا لو استخدمت ترمسيون اللى فى احسن حالاته بتكون صلادته 32 .. دا هيديك معامل صلاده 0.18 تقريبا .. وهنا العمر الافتراضى هيكون تقريبا 5.7 % من العمر الافتراضى للدليل الاصلى ( بس اتطمن .. مفيش حد فاجر لدرجة انه يعمل دليل من الترمسيون ) ..
.
.
مفيش دلايل مربعة اصلية فى مصر ..
اقولها تاني ؟!!
مفيش دلايل مربعة اصلية فى مصر ..
.
ولما بقولك الدليل المدور افضل فى ماكينات الراوتر والبلازما فدا مش هيخليني اكسب اكتر .. بالعكس هكسب اقل لان تكلفة الماكينة هتكون اقل و ربح الماكينة بيكون نسبة من اجمالى تكلفتها ..
.
دا رأي الهندسة .. علم مش فهلوة ولا انا بيني وبين الدلايل المربعة خصومة شخصية والله !!
عايز تاخد بيه براحتك .. عايز جودة اقل بسعر اعلى برضو براحتك..
.

علمينتفعبه