تاريخ
أخر الأخبار

الرجل اللي اتكلم مع الغراب..

.

واحد بيحكي انه كان مسجون في عهد الحجاج بن يوسف الثقفي .. واتحبس معاه واحد تاني مبيتكلمش خالص .. يوم التاني العاشر .. منطقش ولا كلمة ..

.

لحد ما في ليلة جه غراب وقف على جدار السجن و نعق (صاح بصوته) .. فأخينا الصامت دا بص للغراب وقال ( ومن يومها در على ما تقدر عليه ؟ ) ..

الغراب نعق تاني .. فقاله الصامت ( بشرك الله بالخير يا غراب ) ..

نعق مرة تالتة .. فقال الصامت ( من بقك لباب السما )..

.

فصاحبنا الراوي قاله يعني انت ساكت كل دا ولما تنطق تكلم غراب ؟!

قالله انت متعرفش بشرني بايه .. ايه يا عم ؟

.

قال في النعقة الاولى : لقد وقعت على سر الحجاج .. فقلت ومن يقدر على ما تقدر عليه (غراب بقى محدش هيخاف يفشى سر )..

.

والتانية قال : الحجاج اصابه وجع .. فقلت بشرك الله بالخير يا غراب ..

.

والتالتة قال : وهيموت الليلادي .. فقلت من بقك لباب السما ..

.

وبعدين استطرد الصامت وقال .. لو طلع عليا النهار قبل ما يستدعوني فقد نجوت .. ولو طلبوني قبل النهار هيطيروا رقبتي ..

بعدها هتقعدوا ٣ ايام محدش يدخل عليكم .. وفي الرابع هياخدوكم يهتفوا على رؤوسكم بالكفالة .. اللي هيلاقي كفيل هيمشى واللي مش هيلاقي هيمشوا على وشه ..

.

دخل الليل سمعوا صويت .. الحجاج مات ..

قبل الفجر دخل الحراس اخدوا الصامت و ضربوا عنقه ..

مرت ٣ ايام محدش دخل عليهم وفي الرابع اخدوهم للباحة وسألوا الناس عن من يكفلهم ..

.

.

و توتة توتة خلصت الحدوتة ..

من كتاب (الفرج بعد الشدة) لابن ابي الدنيا ..

Ahmed Aboul Fotouh

المدير التنفيذي لشركة روبوتيك مصر للحلول الصناعية والتدريب؛ عمل سابقا كعضو هيئة تدريس بقسم هندسة الميكاترونكس بكلية الهندسة كما عمل ضمن وحدة بحوث الطيران بقاعدة أنشاص الجوية - القوات الجوية المصرية بإشراف من هيئة البحوث العسكرية بوزارة الدفاع. له العديد من المؤلفات بالانجليزية والعربية ومحاضر بأكبر المعارض الصناعية بالشرق الاوسط.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى