بمناسبة الغواصة إللى غرقت وهي رايحة تشوف حطام تيتانيك ..
.
تيتانك ليها قصتين غير إللى تعرفها ..
الحدوتة الأولى إنها تم إغراقها عمدًا بفعل الشركة المالكة نفسها للحصول على مبلغ التأمين مسال فينقذها من أزمة مصيرية كانت بتمر بيها ..
.
طيب إيه الدليل على الكلام دا ؟!
المفروض إن القصة المعروفة إنها ارتطمت بجبل جليدي لإنها كانت ماشية بسرعة كبيرة جدًا والكابتن ملحقش يسيطر عليها ..
.
1- مش طبيعي أصلاً تمشي بسرعة كبيرة في منطقة معروفة بالجبال الجليدية وشقف الجليد الطافية .
2- فريق من الباحثين قالوا إن القبطان اضطر يمشي بسرعة عالية للسيطرة على حريق كم هائل من الفحم في الغلايات .. فالهدف إنه يحول أكبر كم ممكن من الطاقة الحرارية لطاقة حركية بدل ما السفينة تتحرق.
3- فحم السفينة مثبت إنه تم إيقاده قبل تحرك السفينة ب 3 أسابيع.
4- الطبيعي إن الطاقم يكون معاه مناظير يشوفوا بيها الجبال من بعيد .. لكن الطاقم مكنش معاه ولا منظار واحد.
5- السبب في إن موظف المخازن المسئول عن غرفة المناظير تم تغييره قبل الرحلة بأيام .. وخد المفتاح معاه .. ولما حققوا معاه قال نسي يسلم المفتاح!!
6- السفينة جالها تحذير على اللاسلكي من سفينة (( إس إس كاليفورنيان )) .. بوجود حقل جليدي كثيف .. لكن عامل اللاسلكي مبلغش القبطان وفي سجل السفينة ثبت إنه سجلها ( رسالة غير عاجلة ) ..
7- سبحان الله .. مع إن السفينة دي كانت على مسافة أقل من 20 كم من تيتانك .. وهي إللب حذرتها أصلاً من الحقل الجليدي .. لكن فجأة عملت من بنها ومستجابتش لرسايل الاستغاثة إللي اطلقتها تيتانك ومرجعتش ليها ..
8- فيه سفينة نرويجية تانية اسمها سامسون ( شمشمون ) .. كانت أقرب كمان لتيتانك لكن نفضت .. وإن كانت دي الباحثين بيقولوا إنها خلعت لإنها خافت من المساءلة القضائية بسبب الصيد الجائر.
.
.
خليني أقولك إن من بين الآراء القوية جدًا في المشكلة دي .. إن إللى غرقت مكانتش تيتانك أصلاً .. دي كانت سفينة أقدم منها بنفس التصميم ومملوكة لنفس الشركة .. اسمها ( آر إم إس أولومبيك ) .. ودي سفينة كانت بدأت تظهر فيها مشاكل اهلاك وبالتالي كان التضحية بيها سهل.
.
.
نكمل على كل الكلام دا بالحدوتة التانية .. وإن كنت مش بميل قوي لتصديقها لإنها مبنية على افتراضات أكتر من حقائق ..
السيناريو التاني إنها تم إغراقها عمدًا من قبل البليونير جون بيربونت مورجان .. واحد من أثرى الناس على الكوكب .. وإللي قبل الرحلة بساعة تخلف فجأة هو وكل عيلته عنها .. طب ليه ؟!
علشان يتخلص من أكبر منافسيه دفعة واحدة .. يعقوب إستور ..إيزيدور شتراوس .. بنيامين جوجينهايم .. وكلهم ماتوا بالفعل .. مع إن المفروض يعني إن الفئة إللي تم إنقاذها كانت الأشد ثراءً وليوناردوا ديكابريو وإللي زيه هم إللي ماتوا متلجين وممحونين في نفس الوقت !!
