عزيزتي الفيمينستاية

الاسلام كفل حقوق المرأة كاملة .. وفى اخر خطبة للنبي – صلى الله عليه واله وسلم – اوصانا بالنساء ..
الاسلام راعى ضعف البنية الجسدية والنفسية للمرأة .. فكلف الراجل بالنفقة والكسوة و المسكن والاحسان اليها ومعاشرتها بالمعروف .. وحفظ حقوقها فى الزواج والطلاق و حفظ سمعتها بتشريع حد لقذف المحصنات .. حفظ حقها فى الميراث بعد ما كان منهوب وشدد في وعيد آكل مال اليتامي ..
.
فى الاسلام هتلاقى ان ما يضعه الرجل فى فم امرأته صدقة .. هتلاقى ان النبي كان بيلعق اصابع السيدة عائشة بعد الاكل كنوع من الملاطفة واظهار الود.. هتلاقيه كان بيلعب معاها وبيخرج بيها للفضاء علشان يسابقها .. هتلاقيه كان بيجهر بحبه ليها ادام الناس ..
.
الاسلام مش دين مساواة .. الاسلام دين عدل ..
ربنا مساواش بين الراجل والست في الخلق .. خلقهم مختلفين علشان يكملوا بعض ..
ربنا مساواش بينهم فى التكليف الشرعي .. عمل استثناءات زى اعفاء المرأت من الصيام والصلاة فى حيضها ونفاثها وحملها لو كانت العبادة دى بتشكل خطر عليه .
.
المساواة معناها ان الست تشيل على ضهرها رمل واسمنت تطلع بيه الدور الخامس زيها زي الراجل علشان تأكله هو وعياله .. وانها تدخل الجيش و ترقد على بطنها و تزحف على الرملة فى عز الشمس وتشيل سلاح علشان تحميه.. وانها تدفع لزوجها نفقة ومتعة وتدفعله مهر .. ومتكلمينيش بقى عن عربية مترو للستات ولا طوابير للستات ولا راجل يقوم ويعد مكانه ست والكلام دا ..
دا كلام يدخل الدماغ ببصلة ؟!!
.
الاسلام له هدفين ملهمش تالت :
1- التوحيد.
2- اصلاح شؤون العباد.
.
ايمانك بالاسلام يقتضى انك تؤمني ان كل تشريعاته هدفها اصلاح شؤون العباد .. بل وان مخالفة تشريعاته مهلكة محققة واضرار بالمصالح الدنيوية..
.
.
دلوقتى بقى ادامك انك تقولى انك مسلمة وبتطالبي بحقوقك اللى كفلها الاسلام .. او انك تسمي نفسك فيمنستاية ولما نلعن فى الفيمنستات اللى بيطالبوا بالمساواة المطلقة المخالفة للدين تتقمصى وتقعدي تشرحي انك مش منهم وانهم وحشين وانتى حلوة !!
.
واخيرا .. احنا كرجالة .. جزء كبير من رجولتنا بيتوقف على حفظنا لحقوقكم اللى ذكرتها فى البوست واللى مذكرتهاش .. قوامتنا بر بيكم واحسان اليكم مش سلطة غير مبررة وسادية .. واقل راجل فينا عنده استعداد يسف التراب علشان يكفي زوجته .. دي القاعدة واى نماذج تانية مجرد استثناءات ..