الأفلام كمادة دعوية
احتراما لوقتك البوست هياخد منك دقيقة
.
على مر العقود اللى فاتت ساهمت الافلام والمسلسلات فى تشكيل وعي الشعوب .. زرعت فيهم معلومات خاطئة تماما اصبحت بمرور الوقت من الامور البديهية المسلم بيها .
.
امثلة لكلامي ..
- كدبة الشيماء اخت الرسول اللى مشافتوش غير مرة فى حياتها وكانت عجوزة ومبتغنيش.
- كدبة العنكبوت والحمامتين فى مدخل الغار اللى ملهمش اساس من الصحة.
- كدبة قرص الحية للصديق ابو بكر الباطلة.
- كدبة الناقة اللى اختارت مكان المسجد النبوي ( اتركوها فإنها مأمورة ) اى هبل.
- كدبة والى عكا الخاين اللى فى حقيقته من اشرف القادة فى تاريخ الاسلام.
- كدبة عيسى العوام الشخصية الخيالية.
.
حتي فى اتفه التفاصيل .. اظهار الكفار بمنظر مقزز مع ان ابو لهب مثلا لقب بالاسم دا لانه كان وسيم ووجهه ابيض مشبع بحمرة تشبه اللهب ..
.
.
احنا عندنا اعمال سابقة خالية تماما من المخالفات الشرعية زى ( فيلم عمر المختار النسخة المدبلجة بدون موسيقي ) و ( مسلسل لا اله الا الله ) اللى كان بييجي على القناة التالتة وانا فى ابتدائي.
.
.
لازم نقدم بديل .. مش معقول كدا كل سنة نقضيها ذم فى مسلسلات رمضان و انتقاد لميزانياتها بشكل لا يخلو من الجهل .. منتقدين للملايين اللى بتندفع فيها و متناسين الارباح الخيالية اللى بتيجي من وراها .. ودا اللى بيظهرنا بمظهر السذج.
