شاذ هندسة الاسكندرية
احتراما لوقتك البوست هياخد منك دقيقة
.
الشذوذ الجنسي مرض .. في الغالب بيتعالج علاج هرموني من خلال طبيب مختص .. واحيانا بيكون علاجه سلوكي وبرضو عن الطبيب ..
.
احد الاطباء كان اتكلم عنه وقال مريض الشذوذ نوعين : واحد مخنوق من حاله وبيدور على حل لمشكلته ( دا هيتعالج بإذن الله ) .. و واحد مبسوط باللى هو فيه ومقضيها ( دا ملوش علاج ) ..
.
خلال الفترة اللى فاتت كلمني شباب كتير جدا عندهم نفس المشكلة دى .. طبعا مينفعش اقول تفاصيل حالاتهم حفظا للامانة – المجالس بالامانات – لكن هحكيلكم اللى حصل مع اخ ثقة خريج هندسة الاسكندرية مع احد الشواذ ( من النوع التاني ) واللى اتخرج برضو .. وبحكيهالكم بناءا على طلبه بهدف التحذير من اساليبهم ..
.
اخونا كلمني لانه حصل معاه حرفيا اللى اتقال فى بوست ( زمايلك الشياطين ) .. زميلك اللى بيشتغلك ويعمل فيها مكتئب ويقعد يحكيلك فى مشاكل خرافية محصلتش بيستجلب بيها شفقتك .. دا اللى حصل معاه من ( الشاذ ) ..
.
لحد ما في يوم اعترف له انه شاذ وان دا اللى مؤرق حياته وسبب فى ضيق صدره .. و طلب من صاحبنا انه يساعده .. وكأى واحد ملتزم شايل هم الدعوة قرر يساعده!!
.
بعدها الموضوع تطور انه بقى يتصل بيه فجأة يقوله انا كنت هعمل كذا دلوقتي بس اتصلت بيك علشان تمنعني من دا .. انا كنت هشوف كذا الحقني .. وبعدها يشرح هو كان بيعمل ايه وبيتكلم فى تفاصيل ( متخيل انه كدا هيثير الاخ اللى قرر يساعده ) !! ..
.
صاحبنا فهم الليلة وقطع علاقته بيه نهائيا .. بس بعد شوية اكتشف ان نفس الحوار بنفس التفاصيل حصل مع زملاء تانيين غيره .. مش بس كدا .. دا كمان الشاذ دا كان بيحكي للبنات عن شذوذه .. متعرفش بقى علشان يوصلوا الكلام دا للولاد ( بيسوق لنفسه ) ولا لانه Bisexual ..
.
.
نفس الكلام دا اتكرر مع اخ فى الجامعة الروسية مع اختلاف التفاصيل .. نفس الدخلة .. استجلاب الشفقة وشكوي بالاكتئاب و بعدها اعتراف بالشذوذ وهكذا ..
.
دا معناه ان غالبا دى الطريقة اللى بيمشى بيها الحوار ..
.
.
لو انت سوى وقرأت البوست دا خد بالك .. ولو عندك مشكلة لازم تلحق نفسك وتروح لدكتور ..
الموضوع منتشر بشكل مخيف .. حتي بين البنات .. وصلتني حالات من بنات بتسكن فى مدن جامعية وبنت عايزة تسيب سكنها علشان معاها بنت شاذة فى غرفة تانية فى الشقة ..
.
.