يعني ايه ( هطلع ميتينك )

.
زمان فى السودان كانوا متعودين يدفنوا كبير العيلة فى البيت ..
بعد كدا لو اصحاب البيت اتزنقوا فى فلوس مثلاو حبوا يبيعوه ادامهم حاجة من اتنين :-
1- يستخرجوا الرفات بتاعة كبير العيلة وينقلوها مكان تاني .. والموضوع دا متعب جدا نفسيا .
2- او يبيعوا البيت (بالميت) .. وفى الحالة دى سعر البيت بينزل للنص ..
.
ودا سبب اننا لما نحب نقول اقل سعر لحاجة نقول ( بالميت ) .. الموبايل دا ( بالميت ) يجيب 1000 جنيه ..
.
بعد ما عبد الله التعايشي مسك الحكم فى السودان قرر انهاء العادة دى لمخالفتها تعاليم الاسلام .. وبالنسبة للبيوت القديمة اللى فيها ميتين .. فقرر ( يطلع ميتينهم ) ويدفنهم فى مقابر المسلمين .. وفعلا .. طلع ميتين السودانيين كلهم ..
.
.
بالمناسبة ..
عبد الله التعايشي كان عايش دور خليفة المهدي وبعت جواب لفيكتوريا ( ملكة بريطانيا العظمي ) بيقولها انه خليفة المهدي وبيدعوها للاسلام والاذعان لحكمه والا عمل معاها الجلاشة .. الملكة اتقمصت فبعنت جيشها طلع ميتينه ..
.
تعديل :
قصة الدفن عارضها البعض لكن قصة ملكة انجلترا مفيش خلاف عليها ..