5 اسباب لالتحاقك باقسام انتاج وميكاترونكس ؟!

.
1- نسبة فرص العمل إلى عدد الخريجين كبيرة جدا ولسة بدرى على ما يحصل تشبع.
2- السوق فى احتياج دائم للتصنيع المحلي خاصة بعد التعويم وارتفاع سعر المنتج المستورد 3 اضعاف سعره السابق.
3- عدد المعاهد الخاصة اللى فيها اقسام ميكاترونكس قليلة جدا بسبب تكلفة الورش والمعامل وغالبا مستوى الدراسة فيها بيكون كويس ؛ عدد المعاهد الخاصة اللى فيها اقسام انتاج تقريبا معهدين بس..
4- هكون امين معاك .. طريقة التدريس مش احسن حاجة ؛ لكن سهل جدا جدا تبني نفسك علميا من خلال كورسات اونلاين مجانية وتبني نفسك عمليا من خلال تدريب فى مصانع وشركات وزيارة المعارض الصناعية.
5- مجالات العمل لكل قسم منهم اعدادها بالعشرات .. مرتبطة بكل القطاعات تقريبا .. فلو قطاع منهم وقع فيه غيره 1000 قطاع واقف على ارض صلبة ..
.
.
وللامانة .. عيوب القسمين :-
1- المناهج صعبة..
2- معظم الخريجين بيلتحقوا بالجيش كضباط .. ودا ممكن ميناسبش ناس كتير ..
3- المادة العلمية فى ميكاترونكس تحديدا محتاجة شغل اضافي برا الكلية.
4- بسبب كثرة مجالاتهم هتحس بحالة توهان .. لكن دا طبيعي جدا وهينتهي بمجرد ما تاخد قرار العمل فى مجال معين او بعد كام شهر من تخرجك لما السوق يوجهك لمجال معين وترتاح فيه ..
.