نشأة الهندسة و المعازف
.
اتكلمنا قبل كدا عن سيدنا أخنوخ ( ادريس ) وقولنا انه هو اللى اخترع الكتابة .. اول من حاك الثياب .. اول من وضع علم السياسة و الادارة و تخطيط المجتمعات العمرانية .. وكان عالم بالحساب والفلك والهندسة ..
.
قابيل بن ادم اللى قتل اخوه هابيل تزوج وانجب ( حنوك ) او ( خنوخ ) ودا غير سيدنا اخنوخ خالص .. وابنهم انجب عيراد .. عيران انجيب محويائيل .. محويائيل انجب متوشائيل .. متوشائيل انجب لامك .. لامك اتجوز اتنين ( عادة و صلة ) ..
.
عادة خلفت ولدين : يابال ( ودا كان راعي غنم بيسكن الخيام ) و يوبال ( مخترع الموسيقي .. تحديدا اخترع العود والمزمار ) ..
صلة خلفت ولد وبنت : توبال ( ودا اول واحد في التاريخ يصنع الالات من المعدن .. الحديد والنحاس تحديدا ) .. واخته كان اسمها نعمة ..
.
توبال قايين دا بقى تقدر تعتبره اول مهندس انتاج فى الكوكب .. هو بنفسه اللى قاد جيشه من ابناء قابيل للاغارة على سيدنا نوح ومن معه لما تبين له صحة نبوءة الفيضان العظيم .. وفق بعض الروايات مذكورة فى عدة كتب منها ( السبعونية ) ودى اول ترجمة للتوراة فى التاريخ .. كتبت فى مصر باللغة اللاتينية لضمها لمكتبة الاسكندرية..
