مينفعش تجزم لمسلم مات بجنة او نـ.ـار ..
– بس دا ميت منتـ.ـحر والمنتحـ.ـر كـ.ـافر !!
= مين قالك انه كـ.ـافر؟ جمهور العلماء – بل نقل الاجماع غير واحد – قالوا عكس كلامك واستدلوا بان النبي صلى الله عليه واله امر بالصلاة على الصحابي اللي قطع شـ.ـرايينه وانتـ.ـحر .. النبي هيؤمر الصحابة يصلوا على تارك للاسلام برضو؟!
– ايوة بس مصلاش عليه.
= مصلاش كمان على اللي مات مديون الا لما تكفل احد الصحابة بسداد دينه .. كدا اللي يموت عليه دين كـ.ـافر؟! طبعا لأ .. لكن لان الذنب دا عظيم اوي فكأن النبي بيقول للي مقدم عليه انت متستحقش صلاتى عليك .. اللي بيقدم على الخطوة دي بيبقى مقرر مسبقا انه هيعمل اكبر كبيرة بعد الشـ.ـرك بالله وكمان مقرر مسبقا انه يقابل ربنا بيها مصر عليها بدون توبة .. التوبة بعد الحباية مش مقبولة ..
– بس الحديث الصحيح بيقول انه في النار ..
= مظبوط كلامك .. بس قد يشمله الله بالرحمة وقد يعـ.ـذبه .. دا مات على التوحيد .. واي واحد مات على الاسلام لا نقر له بجنة لاننا منعرفش اللي جواه ولا ربنا قبل عمله ولا لأ .. ولا بنـ.ـار لاننا منعرفش ربنا هيعفو عنه ولا هيدخله النـ.ـار لفترة طويلة (دا معنى خلود المسلم فيها) .. ولا هياخد غمسة ويخرج .. الله اعلم .. اي تجاوز للكلام دا اسمه (تألي على الله) ..
.
.
وبما انه اخوك .. اللي مات على الاسلام .. واللي امر النبي بالدعاء له بالرحمة والمغفرة (الجنازة) .. فصدقني انه احوج من غيره بالدعاء دلوقتي .. ادعيله ربنا يرحمه ولو بينك وبين نفسك ..
