الخامات البديلة لفلاتر الكمامات

احترامًا لوقتك المقال هياخد منك دقيقتين

.
بعد الازمة الاخيرة .. ومع اختفاء الكمامات فى السوق لدرجة ان دولة التشيك (ثبتت) سفينة صينية محملة بكمامات كمساعدة لايطاليا وسرقتها .. ظهرت دراسات للبحث عن حلول غير تقليدية للازمة وبدائل للادوات المستخدمة .. يمكن منها الشيلد ماسك و الكمامة اللى نزلت تصميمهم فى البوست السابق ..
.
طيب السؤال .. هنجيب فلتر الكمامة منين ؟!!
الطبيعي اننا نستخدم فلتر من نوع P3 .. لكنه مش موجود .. الكمامات العادية اصلا مش متاحة ولو لقيناها بتكون اسعارها مبالغ فيها ودى للاستخدام مرة واحدة 4:5 ساعات !!
.
طيب ركز معايا .. وهقول ملخص الدراسات المنشورة فى النقطة دى ..
1- الصورة رقم 1بتظهرلك كفاءة بدائل منزلية مختلفة للوقاية من الفيروسات بحجم 1 مايكروميتر .. هتلاقى ان القناع الجراحي العادي كفاءته 97% .. كيس المكنسة 95% .. فوطة المطبخ 83% .. الملابس القطنية الممزوجة بخيط مصنع 74% .. الملابس القطنية 69% .. الكوفية 62% ..
.
2- الصورة رقم 2 بتظهرلك كفاءة البدائل للوقاية من الفيروسات بحجم0.02 مايكرو .. او 20 نانوميتر ( ودا اصغر 5 مرات من كورونا ) .. هتلاحظ ان القناع الجراحي كفاءته 89%.. كيس المكنسة 86% .. فوطة المطبخ 73% .. الملابس القطنية الممزوجة 70% .. إلخ
.
3- الصورة رقم 3 بتقولك انك لو استخدمت طبقتين من الخامات البديلة هتحقق نتايج افضل .. فمثلا لو استخدمت طبقتين من فوطة المطبخ هترفع كفائتها 14% وهتخليها مساوية لاداء الكمامة الجراحية ..
.
4- الصورة رقم 4 بتوضحلك مدي سهولة التنفس من خلال كل ماتيريال فيهم .. فهتلاقي خامات اسهل من الكمامة الجراحية التقليدية زى الحرير و الكوفية و الاقمشة القطنية .. وخامات اصعب منها زى فوطة المطبخ اللى بتكون اصعب منها ب 38%..
.
.
دا افضل ملخص قدرت اوفرهولك .. وفيه دراسات تانية كتير منها مثلا اللى تناول مناديل التويلت بنفس الطريقة ( كفائتها للوقاية من فيروسات باحجام مختلفة + سهولة التنفس بيها ) ..
الخلاصة الافضل للاستخدام الملابس القطنية الممزوجة بخيوط مصنعة وتستخدم طبقة واحدة لسهولة التنفس .. او تستخدم طبقتين واحدة منها و واحدة من خامة كيس المخدة !!
.