.

يقولك الفايدة مش ربا علشان البنك بيعمل مشاريع وبيديك من المكسب.

قوله القانون مبيديش الحق للبنوك انها تعمل مشاريع .. البنك بيسلف ويستلف بس.. بياخد وديعتك بفايدة 10% يديها قرض لحد تاني بفايدة 20% وياخد الفرق.

.

يقولك الفايدة مش ربا لان البنك بيشوف نسبة التضخم كام ويحدد الفايدة علشان يحافظ على القدرة الشرائية لفلوسك.

قوله سعر الفايدة بيتحدد على عوامل كتير جدا منها العرض والطلب و واليقين والمخاطرة و خطة الائتمان وتوزيع انواعه .. إلخ .. وبيحددها خبراء اكتواريين ..

وحتي لو انت جـ.ـاهل بالكلام دا .. اضعف الايمان انك تشوف التخضم والفايدة في السنين اللى فاتت وانت تعرف ان الارقام مختلفة ..

غير دا كله حتى لو البنك قالك هنستنى لاخر السنة علشان نقيس التضخم وبعدين نحدد الفايدة .. فدي معاملة ربوية.

.

يقولك الفايدة مش ربا .. القروض هي اللى ربا ..

قوله .. احـ.ـيه بالكركديه .. وسيبه وامشي ..

.

يقولك الفايدة مش ربا .. الربا بيبقى فى حالة استغلال ضيقة المقترض ..

قوله الربا هي كل قرض جر نفع .. ملهاش علاقة بقى اللى بيقترض دا مزنوق ولا مش مزنوق .. اخدت زيادة على الدين بقت ربا ..

.

يقولك ادمن دار الافتاء بيقو….

متخليهوش يكمل كلامه … اسأله كدا ايه تعريف ادمن دار الافتاء للربا .. وخليه يذكر معاملة ربوية واحدة في عصرنا الحالي .. مش هيقولك لان مفيش حاجة في الدنيا بالنسباله ربا + امين شـ.ـرطة غبـ.ـي حافظ كلمتين وبيرددهم.

.

يقولك الازهر بيقول ..

قوله الازهر مقالش كدا .. بل وفيه فتوى لهيئة كبار العلماء في الازهر بتحرمها .. وفيه كتاب قدمله د.على السالوس بيجمع كلام علماء الازهر في حرمة ربا البنوك .. الشيخ الشعراوي ومشايخ الازهر عبد المجيد سليم و حسن مأمون و جاد الحق و طنطاوي قبل ما يتغير .. و مشايخ تولوا رئاسة لجنة الفتوى و الافتاء والاوقاف .. زى الشيخ عطية صقر و محمد الغزالي و عبد اللطيف حمزة ومحمد ابو زهرة ومحمد عبده و بكرى الصدفي ..

بأي عقل تسيب كل دول و تروح لمشايخ الفضائيات المرَوّضين ؟!

.

يقولك بص مش هقتنع .. البنوك حلال ..

اهدأ .. ركز .. خذ نفسا عمييييييقا .. وقول له : اشطة .. إن عليَّ إلا البلاغ .. ليس علىَّ هداك .. وكل واحد بيشيل شيلته.