بسم الله .. خلونا نبدأ في سرد مختصر جدا جدا للسيرة

هدفه انك تجمعها في دماغك بشكل منظم مع ترتيب الاحداث وتفهم ازاي اتحركنا من نقطة الصفر لحد ما بنينا دولة ..
نبدأ مع اسماء النبي صلى الله عليه واله
احمد محمد الحاشر العاقب الماحي المقَفِّي

دا غير الألقاب
المزمل .. المدثر .. المبشر .. النذير ..
الصفات
الصادق الامين المصطفى المجتبي نبي الرحمة رؤوف رحيم

انا نسيت طه وياسين؟!
لا دول مش اسماء اصلا .. دول زيهم زى الم ..كهعيص

.
قبل ما نتكلم عن مولده خليني احكيلك حدوتة سريعة كدا
المسيحين في الجزيرة كانوا متمركزين بشكل اساسي في الشمال زي قبائل الغساسنه قرب الشام وفي الجنوب في نجران عند اليمن ومتفرقين في انحاء الجزيره ومنهم مثلا ابن عم امنا خديجه رضي الله عنها سيدنا ورقه بن نوفل

المهم يا سيدي حصل قبل ميلاد النبي بكم سنه ان كان في ملك اسمه ذو نواس ملك من ملوك اليمن او يوسف ابن شرحبيل قرر ان هو يقضي على الوجود المسيحي في جنوب الجزيره
.
والكلام عنه يعني كلام في شكوك شويه لكن الثابت عندنا ان حصلت فعلا مذابح ضد المسيحيين الموحدين بدليل صوره البروج قصه اصحاب الاخدود ماهولك كانوا موجودين في نجران في اليمن وطلب منهم ان هم يتخلوا عن دينهم اللي هو دين الاسلام ورفضوا وكلنا عارفين القصه
.
فاللي حصل ده اثار غضب المسيحيين المتدينين في اثيوبيا او كان اسمها وقتها مملكه اكسوم
والروم لقوا ان غضب المسيحيين في مملكه اكسون فرصه عظيمه جدا لكبح جماح التمدد الفارسي كانوا خايفين من دوله الفرس احنا عارفين ان امريكا والصين وقتها هم كانوا الفرس والروم فيعملوا ايه الروم قالوا والله احنا نروح ندعم المسيحيين اللي زينا اللي موجودين في اثيوبيا علشان يسيطروا على اليمن ويحموها ضد التمدد الفارسي
.
فبعت الرسل بتاعتهم لاكسون معاها الهدايا ومعاها السيوف ودروع وادوات الحرب وقالوا لهم انتوا الاقرب دلوقتي لليمن يا دوب هتعدوا المضيق كده خلاص بقيتوا بايه بقيته في اليمن حاربوا ودفعوا عن كلمه الرب
.
خرج جيش جرار بقياده ابرهه الاشرم اللي كان معروف عنه ان هو كان متدين بشده وانطلق نحو اليمن بدا في فتح مدينه تلو الاخرى وقبيله تلو الاخرى وهناك قام بمذابح بشعه ضد اليهود حرق كثير من اليهود وحرق كثير جدا من المعابد اليهوديه
.
بنى كنيسه كبيره جدا علشان تكون دي مركز للديانه المسيحيه في الجزيره العربيه وبعت الرسل بتاعته للقبائل العربيه كلها علشان تروح تحج للمكان ده او تصلي في المكان ده وتعرفوا على الدين المسيحي ويعلنوا ايمانهم به
.
فالرسول اللي راح لمكه قال لهم يا اهل مكه تعالوا احنا عاملين كنيسه جديده تعالوا حجوا لها بدل الكعبه فواحد كده سخن بغضب غضبه لله .. دي الكعبه يا ابني انت مجنون ده اول بيت وضع للناس ده مقدس من بدايه الخليقه حتى من قبل سيدنا ادم لحد قيام الساعه.. المهم طير رقبته فابرها غضب فقرر ياخذ جيش جرار كبير جدا ويطلع على مكه.
.
ده مش مبرر طبعا يعني مثلا ما اتخانقش انا مع واحد سعودي فاعمل مثلا زي ما عمل جهيمان العتيبي دخل الحرم واحتلوا وقفلت بوابات وقتل الناس ودخل باسلحه والى اخره يعني.
.
وعموما دخل بالجيش بتاعه بيتقدموا فيه اسمه محمود ودار حوار بينه وبين شريف مكه عبد المطلب جد النبي صلى الله عليه واله وسلم ومعروف الحوار اللي دار بينهم لما قال له هذه الابل لي وللبيت رب يحميه.
.
احد العرب همس في ودن محمود وقاله ابرك عبد الله فانك في بلد الله الحرام .. فخلع وجت الطير الابابيل ترميهم بحجارة من سجيل
.
في الفترة دي كان عبد الله بن عبد المطلب والد النبي صلى الله عليه واله وسلم كان عنده 25 سنه ولسه متجوز امنه ام النبي صلى الله عليه واله وسلم جديد وعايز بقى يبني نفسه فخرج في رحله من رحلات التجاره تجاه الشام وفي الطريق واضح ان هو جاله مرض معين فتم تشخيصه بشكل غلط فخد ادويه او علاجات قديمه خاطئه ومات الكلام ده والنبي كان عمره شهرين في بطن امنه لسه ما اتولدش دي كانت يا دوب لسه حامل في الشهر الثاني.
.
تمر الايام والنبي صلى الله عليه واله وسلم يتولد في نفس العام اللي حصلت فيه حادث الفيل عامل الفيل
فكان عادتهم زمان ان هم بيبعتوا الاولاد بتوع المدن مكه كانت مدينه للباديه ليه
لسببين هيعيش في بيئه نظيفه هيشرب لبن نضيف اللي هو لبن المرضعه اللي هترضعه اللي هي اوريدمي بتتغذى على اطيب الطعام وعايشه في بيئه صعبه جدا وبالتالي اشتد عودها وحسن غذائها والسبب الثاني انه يلعب مع الاطفال هناك ويختلط معاهم فيكتسب مهارات ذهنيه ولغويه يطلع طفل ذكي كده ويطلع جسمه قوي.
.
وكانوا خايفين انه ما يلاقوش مرضعه لان عاده المرضعه كانت هتدور على طفل ترضعه يكون ابوه ثري فما بالك بقى بواحد ابو فقير ما طركش حاجه وراه وكمان توفى قبل ما يتولد لكن على كل حال ربنا رزق سيدنا محمد صلى الله عليه واله وسلم بستنا حليمه السعديه.
.
ستنا حليمه السعديه السعديه ده اسم القبيله بتاعتها بني سعد زي مثلا منقول احمد القرشي يبقى القريشي احمد الهاشمي من هاشم احمد المصري من مصر احمد السكندري وهكذا.
.
كبر شويه النبي عليه الصلاه والسلام وبقى عنده حوالي سنتين ونص وبيلعب مع الاطفال في الشارع فين الكلام ده في قبيله بني سعد هو لسه عند حليمه السعديه
وبعدين جه رجلان لابسين ابيض وخذوه من وسط الاطفال وطرحوه ارضا نيموه كده على ظهره وبعدين بعد كده شقوا صدره من اول رقبته لحد اسفل البطن خرجوا قلبه خرجوا الحاجه جوه غسلوها في طشت من ذهب مليان ميه زمزم بارده وبعدين بعد كده دخلوا الاعضاء دي مره ثانيه وقفلوا الجرح فالعيال فزعت فجري واحد منهم على حليمه السعديه وقال لها الحقي لقد قتل محمد لقد قتلوا محمد.
.
يا نهار ابيض جريت على طول تشوفي ايه فلقت النبي عليه الصلاه والسلام لسه حي وفي اثار دم على هدومه فاخذته ورجعت لجوزها جوزها قال لها لا ما يقعدش هنا ثاني الله اعلم ايه اللي حصل دوت واحنا مش عايزين نلبس في مصيبه مع اهلي الطفل لازم نرجعه لاهله.
.
فرجعوا لاهله هناك قبله مين قبل امه فحكيت لها اللي حصل فامنه طمنتها وقالت لها متخافيش هيعيش وهيكمل وهيبقى له شان عظيم جدا ..
.
المهم انه هو عاش مع امنه بنت وهب امه لحد ما بلغ ست سنين وبعدين قالت تاخذه وتروح لبني النجار اللي هم خيلانه في منطقه بين مكه والمدينه على مسافه تقريبا 200 كيلو متر من مكه مثلا
اتحركت على بعيرين جملين هي والنبي صلى الله عليه واله وسلم وام ايمن ودي هنتكلم عنها بعد كده ان شاء الله
لكن في نص الطريق توفت وهي عندها 20 سنه بالضبط خذ بالك ان هي تزوجت عبد الله وهي عندها 12 او 13 سنه ودي كانت عاده العرب بل في اعمار اقل كمان من كذا وفي نساء انجبت دون العشر اقل من 10 سنين كانت حامل وانجبت لان طبيعه الست في المناطق ديه في الاوقات ديت باللايف ستايل ده مختلف تماما عن طبيعه النساء دلوقتي.
.
رجع النبي مع ام ايمن باكيا لحد ما وصل مكه وهناك تلقفوا عبد المطلب جدا والجد ده من احن الشخصيات على الحفيد لدرجه ان احنا عندنا في العربيه بنسميه اب او والد عشان كده النبي صلى الله عليه وسلم قال انا النبي لا كذب انا ابن عبد المطلب هل هو ابن عبد المطلب لا هو ابن عبد الله ابن عبد المطلب لكن في اللغه ينفع.
.
شويه ومات عبد المطلب فتلقفوا مين ابو طالب عمه وابو طالب يعني كان فقير جدا لكن كان حنون جدا وكان حريص ان هو يربي راجل علشان كده وجهوا على طول لرعايه الاغنام كمقدمه علشان يعمل في التجاره وبعدين بعد كده يشتغل في الاستيراد والتصدير.
.

كبر النبي كمان شويه وبقى صبي ما بين 9 و12 سنه فعامه ابو طالب قال خلاص تعال بقى معانا في في اصعب مهنه كانت موجوده في الوقت ده اللي هي مهنه الاستيراد والتصدير رحله الشتاء والصيف .
كانوا تجار مكه بيعملوا ايه في الصيف بيروحوا الشمال لان الجو بيبقى برد ولطيف في الشام يبيعوا لهم بعض المنتجات ويشتروا بعض المنتجات يجي يبيعوها لزوار الحرم وفي الشتاء ينزلوا تحت في الجنوب الجو بيبقى دافي في اليمن يعملوا نفس حركه التجاره دي وكان الموضوع ده صعب لان المسافات طويله جدا بياخذوها رجالا على رجليهم يعني او ركبانا تمام غير كمان الشمس خاصه في رحله الصيف دي بتبقى صعبه جدا.. ومش محتاج اقول لك ان هي عرضه للسطو والنهب والسلب.
.
المهم خدوا معايا مع بعض من اشياء قريش وطلعوا في رحله الصيف طلعوا ناحيه الشام في جنوب الشام كده في جنوب سوريا كان في راهب دائما بيعدوا على الصومعه بتاعته كان بياني حاجه كده في في مدخل سوريا بيتعبد فيها ربنا ومعتزل فيها الناس ما بيعبرش حد اي حد رايح جاي ولا.
.
المهم الراهب ده كان اسمه بحيري او بحيره بحيري ده ولاول مره شاف القافله بتاعتهم خرج جاريه على طول وراح للنبي محمد وهو لسه صبي وقال هذا سيد العالمين هذا نبي اخر الزمان.
الشيخ قريش تعجبوا انت عرفت منين يا عم انت فقال لان انا شفت الحجر والشجر بيسجدوا له ودي ما حصلتش الا لنبي واحنا في كتابنا مكتوب عندنا ان في خاتم النبوه علامه كده موجوده عنده في الظهر وكشف ظهره شافها ووريها لهم.
وبص ليهم وقال لهم ارجع بيه يا عم الحاج انت وهو لان لو رهبان الشام شافوه هيقتلوه وعلى طول رجع ابو طالب بسيدنا محمد لمكه ثاني خوفا عليه.