ازاي فيه ناس بتاخد قروض وبتمشي معاها حلاوة .. مش ربنا توعد المرابي وقال (( فإن لم تفعلوا فأذنوا بحرب من الله ورسوله )) ؟!

.

.

هجاوبك على السؤال دا في نقاط على طريقة المراجعة النهائية اختصارا للرغي :-

.

– ربنا توعد احدهم في القرآن .. لا يسعنا كمسلمين الا التصديق ..

– الحـ.ـرب المذكورة في الاية مش معلوم ماهيتها على وجه اليقين .. سيدنا بن عباس – رضى الله عنهمها – مثلا فسر الاية بانها حد من الحدود .. قالك لو حد اصر على التعامل بالربا الحاكم يجيبه يستتيبه .. متابش ؟ يطـ.ـير رقـ.ـبته .

– برضو الامام بن عباس تكلم عن وجـ.ـه تاني للحـ.ـرب .. وقالك ان آكل الربا هينادى عليه يوم القيامة (( خذ سـ.ـلاحك للحرب )) ..

– وقد يكون مقصود بالحـ.ـرب مهـ.ـلكة دنيوية .. بعض العلماء ذكروا انها القتـ.ـل !

.

.

– اخطر في الكلام السابق انك لو كنت بتتعامل بالربا وقرأته وقلت الحمد لله مش هيحصللي حاجة في الدنيا .. لو دا حصل معاك فانت من ثواني بس بعت اخرتك بدنيتك ..

.

– السـ.ـواد الاعظم من المقتـرضين بيتـ.ـخرب بيتهم .. قلة قليلة اللى بتفلت ..

– رجال الاعمال مش استثناء اطلاقا زى ما البعض بيروج .. والا مكناش هنشوف دعاوى قضائية كل يوم لجدولة الديون !!

– القلة اللى ربنا بينجيهم من المهـ.ـلكة المادية في الدنيا انت متعرفش المهـ.ـلكة دي اصابتهم فين ؟ في صحتهم .. في عيالهم .. في اعراضهم ؟! او الأخطر .. في دينهم !!

– القلة اللى ربنا بينجيهم من المهـ.ـلكة المادية دي هم اداة اختبار من ربنا لينا .. بيختبرنا لما نشوف القروض اللى حرمها ربنا بتكبر البيزنس وتكتر الفلوس .. هنختار الفلوس ولا نختار رضا ربنا ..

– القلة اللي ربنا بينجيهم من المهـ.ـلكة المادية دي .. وارد جدا جدا يكون ربنا بيستدرجهم .. الاستدراج وفقا للنص القرآني معناه بسطة في الرزق والقوة .. علشان يتمادوا اكتر ويستحقـ.ـوا عقـ.ـاب اكبر .. ودي حالة اصعب بمـ.ـراحل من اللى بيصاب في صحته واولاده و امواله وعرضه ..

.

.

من التخـ.ـاريف المنتشرة برضو .. هي لعـ.ـنة الربا ليه مش شغالة غير في بلادنا مع المسلمين ؟

الحقيقة ان اى حد له في الاقتصاد هيعرف ان دى خـ.ـرافة ..

– الكساد الكبير .. اكبر ازمات الكوكب الاقتصادية اللى استمرت عشر سنين .. كان سببها الرئيسي ازمة ديون ادت لافلاس تلت البنوك الامريكية .. تبعتها انهيارات في البورصة وباقي الاحداث ..

– ازمة 2008 .. كانت ازمة مصرفية بحتة .. ازمة ربوية بدأت فبراير 2007 بسبب توسع البنوك في التمويل العقاري تحديدا .. هوب 19 بنك امريكي فلسوا .. فلوس الناس طارت .. ثقتهم طارت معاها .. والكوكب كله اتلط ودبي نفسها كانت هترجع صحراء فيها ..

– الاتنين الأسـ.ـود سنة 1987 اظن .. مجموعة من المرابين اصحاب الاموال الساخـ.ـنة توقعوا حدوث ازمة مصرفية عالمية .. فسحبوا فلوسهم بشكل جمعي من البنوك والبورصات العالمية .. فعملوا ازمة اكتر من اللى اتوقعوها .. ازمة اتبخر فيها 60% من اقتصاد بريطانيا و 45% من اقتصاد هونج كونج !!

– ازمة النمور 1997 : جيلي يعرفها كويس لاننا كنا بنتفرج على نمور اسيا و نحلم ان (( الوطن العربي )) يلحقهم .. بين عشية وضحاها 75% من اقتصاد تايلاند اتبخر .. ليه ؟! ازمة ديون .. ربا ..

– بعدها بسنة 1998 : ازمة عالمية تانية خرجت من روسيا ضربت العالم كله .. ليه ؟! اثرياء مازر رشا قدموا رشاوي للمسئولين وخلوهم يخفضوا قيمة الروبل .. فيجنوا ارباح اكتر .. هووووووب حصلت ازمة ديون .. الاموال السـ.ـاخـ.ـنة الربوية هربت .. البنوك فلست .. روسيا بنزينة العالم .. العالم كله اتلط .

– ازمة منطقة اليورو : كانت بسبب اليونان .. اليونان اللى عملتها اليورو توسعت في القروض وفجأة اتشـ.ـلحت .. الحكومات بتنهـ.ـار والشعـ.ـب جاع .. الشعب عمل مظاهرات لرفض سداد الديون .. والحكومة بعت للاتحاد الاوروبي على الماسينجر فويس نوت باللهجة الصعيدية (( مش دافعين .. واللى يخرجني يفرجني )) .. الاتحاد الاوروبي اضطر للتساهل معاهم والا العملة الموحدة هتنهـ.ـار .. و الازمة الربوية دي كانت سبب في تباطؤ نمو الاقتصاد الاوروبي لسنين ..