متن الجزرية
متن الاجرومية
متن التحفة
متن نهاية التدريب – نظم متن ابى شجاع
متن الزبد
جزء كبير من ألفية بن مالك
لامية بن الوردي
نظم الورقات
.
المتون دى في النحو والفقه واصوله والتجويد والحكم .. كلها حفظتها زمان بـ ( الغناء ) .. كنت بغنيها .. وتلقيتها عن مشايخي اللى كانوا بيغنوها .. وقرأتها على مشايخي بـ ( الغناء ) .. وكلهم علماء ازهر اكابر واساتذة بالجامعة ومنهم اعضاء هيئة كبار العلماء .. والمشايخ دول اتعلموها عن مشايخهم بالغناء ..
.
فمفيش عيب اطلاقا فى انك تحفظ المنهج بالغناء .. ومفيش تعارض اطلاقا بين حفظك للمتن وفهمك له .. الحفظ مش عيب .. اهمال الحفظ هو اللى عيب فى كتير من العلوم ومنها العلوم الشرعية ..
.
العيب فى المعازف .. العيب فى الاختلاط بين الولاد والبنات .. العيب فى الرقص .. العيب فى هيبة المعلم اللى بيهدرها لجمع المال ..
لكن المدارسة بالغناء من افضل الطرق على الاطلاق و بتثبت فى ذهن طالب العلم ..