يعني ايه هندسة ميكانيكية ؟!
احتراما لوقتك البوست هياخد منك دقيقتين
من غرائب الهندسة الميكانيكية ان الناس معظمهم مفكرين الميكانيكا عربيات وشحم وبس ..
.
ميعرفوش ان كل حاجة حواليهم تقريبا ميكانيكا .. الموبايل اللى في ايدك وراه خطوط انتاج وتجميع و حقن ونفخ .. البيت اللى انت قاعد فيه الميكانيكا هى اللى صنعت الاسمنت والحديد المسلح والدهانات والنجف وخراطيم و اسلاك الكهرباء ..
.
لما بتروح تكشف بتنام على سرير مصنع ميكانيكيا .. بينكشف عليك بسماعة متصنعة ميكانيكيا .. بتتفحص بجهاز سونار او اشعة سينية او مقطعية كلهم مصنعين بخطوط انتاج ميكانيكية …
اللبس اللى انت بتلبسه عامله مكن وخطوط انتاج بيصنعهم ويصممهم مهندس ميكانيكا ..
.
معجون الاسنان ومستحضرات التجميل مصنعين بخطوط انتاج وتعبئة ميكانيكية .. الادوية كلها بتتصنع وبيتم تعبئتها بخطوط انتاج .. الاسانسير اللى بتركبه والسلالم المتحركة والتكييف المركزي وشبكات صرف المباني وانظمة مكافحة الحريق .. وآلات الرصف و الحفر والخرسانة والاوناش .. ميكانيكا ..
.
السفن اللى فى البحر ميكانيكا بحرية .. الطيارات ميكانيكا طيران .. الاقمار الصناعية هياكلها ميكانيكية صرف ومكوناتها متصنعة ومتجمعة بخطوط ميكانيكة .. السلاح اللى شلته فى الخدمة والدبابة اللى ركبتها صنعهم مهندسين ميكانيكا ..
.
الروبوتات اللى بتشوفها فى الافلام او بتشوفها عندى وفى المصانع التانية .. وخلايا التصنيع المتكاملة اللى بتاخد شوية صاج من ناحية تخرجهم شاسيه عربية من ناحية تانية .. كل دي ميكانيكا ..
.
الميكانيكا حوار كبير اوي وتخصصات بالكيلو ( انتاج – ميكاترونكس – صناعية – باور – سيارات – طيران – بحرية – نسيج .. إلخ )..
علمينتفعبه
مصنع_الرجال
محمية_الذكور
عرين_الأسود
