أصابع تعويضية ..
الاصابع مفيهاش عضلات .. فيها اوتار و اربطة .. الاوتار بيتم شدها وجذبها من خلال عضلات صغيرة فى الايد وبالتالى بتتسبب فى انقباض وتمديد وتبعيد و تقريب وغيرها من الحركات اللى بيتم تدريسها فى علم التشريح وفي الميكانيكا الحيوية لطلبة ميكاترونكس وطبية ..
.
علشان نعمل اصابع تعويضية محتاجين نرصد سلوك العضلات المسئولة عن تحريك الاصابع .. ولحسن الحظ العضلات دى موجودة فى اليد والمعصم مش فى الاصابع المبتورة زى ما قولنا .. فحركة العضلات اللى بنرصدها بيتم ترجمتها لحركة مواتير بتتحكم فى حركة الاصابع الصناعية.
.
اغلى سنسور موجود فى مصر لقياس الـ EMG سعره 800 جنيه وسعر الالكترود لا يتجاوز 5 جنيه .. التعامل معاه سهل جدا بالنسبة لاي شخص مستواه متوسط فى برمجة المايكروكنترولر واردوينو .. وانا شخصيا بعتبر النوع دا من المشاريع مصنفة كونها ( مشاريع هواة ) ..
.
والسوق المصري مليان حساسات ECG و EMG و EEG و سنسورات لقياس نسبة الاكسجين في الجسم ومعدل نقائه في اسطوانات الغاز و معدل ضربات القلب والضغط والحرارة و راصدات الموجات الالفا والبيتا والجاما الخارجة من المخ .. إلخ