الاجابة على السؤال دا بتختلف بحسب المعتقد ..

عند المسيحيين بيقولوا ان ستنا مريم كانت مخطوبة ليوسف .. والخطبة في شرع اليهـ.ـود زى كتب الكتاب عندنا .. بقت زوجته خلاص ..

فالوحيد اللى كان يعرف ان الولد دا مش ابنه هو يوسف .. وكان ادامه يطلـ.ـقها .. او يفضـ.ـحها .. لكن سيدنا جبريل راحله وخلاه يسكت ..

.

.

عندنا كمسلمين الحدوتة مختلفة .. بل بتتعارض مع الحدوتة الاولى ..

اللى حصل ان اليهود وجهوا ليها الاتهام بالفعل .. لكن باسلوب ملىء بالتحـ.ـسر والشفـ.ـقة .. (( فأتت به قومها تحمله قالوا يا مريم لقد جئتي شيئا فريا .. يا أخت هارون ما كان ابوك امرأ سوء وما كانت امك بغـ.ـيا )) .. دانتى يابنت يهوياقيم كنتى أية في العبادة لدرجة اننا بنشبهك بسيدنا هارون اخو سيدنا موسى .. الزاهد العابد .. ازاي يطلع منك دا ؟!

.

لكن التكليف الإلهي لستنا مريم كان بالصيام .. والصيام عندهم كان صيام عن الكلام .. زى الصيام اللى صامه جوز خالتها .. سيدنا زكريا لما وهبه الله يحى بالرغم من شيـ.ـخوخته هو وزوجته واصابتها بالمرض المتفشى بين بنـ.ـي اسرائيل .. العقم ..

.

الأمر الإلهي كان صريح (( فإما ترين من البشر أحدا فقولي إنى نذرت للرحمن صوما فلن أكلم اليوم انسيا )) .. شاوري كدا وعرفيهم انك صايمة مبتكلميش حد .. طب وبعدين ؟!

.

تيجي المعجزة ..

سيدنا عيسى في مهده وسط الجمع الغـ.ـفير المهـ.ـيب من اليهـ.ـود ينطق ويقول (( قال اني عبد الله آتاني الكتاب وجعلني نبيا )) .. فهنا خلاص .. شهدوا أية لا تقبل الجدل ابدا ..

.

.

بغض النظر عن موضوع البوست .. كنت من فترة بتكلم وكان فيه حد مسيحي قاعد وجت سيرة ستنا مريم .. فحكيت قصتها بكثير من التفصيل .. كنت بقول الاية المجملة في القرآن واشرحها بالتفاصيل اللى ذكرها الائمة بن كثير والطبري والثعالبي وغيرهم .. تفاصيل موجـ.ـعة جدا .. وابتـ.ـلاء انا مش متخيل اني انا نفسى كرجل اقدر اصمد ادامه .. اشرف واطهر وانقى و اعبد بنت على وجه الارض فجأة شوية رعـ.ـاع بيتهموها بالزنـ.ـا !!

استحضرت الموقف في قلبي .. بكيت كالعادة ..لقيته بيقوللي الكلام دا في القرآن ؟! بقوله اه .. بيقوللي انهي نسخة ؟! بقوله معندناش غير مصحف واحد .. لقيته بيقوللي دا اسلام غير اللى نعرفه دا !!!