توليد الكهرباء بدون وقود

.
الفكرة عموما فى محطات توليد الكهرباء اننا بنسخن مية لحد ما تبقى بخار .. وبعدها بنسخن البخار تاني لحد ما يبقى بخار محمص درجة حرارته و ضغطه عاليين جدا .. بعدها بندخله على تربينات بيخليها تدور .. وبالتالى ناخد كهرباء بنفس مبدأ دينامو العجلة او العربية .
.
لو عايز تفهم العملية بالتفصيل ممكن تراجع البوست دا .. كتبته من 4 سنين .
http://bit.ly/2mjTB7L
.
المختلف بقى فى محطات الطاقة الحرارية لباطن الارض اننا مبنحتجش اى وقود لتسخين المية وتحويلها بخار محمص .. احنا بندق مواسير فى الارض بعمق كبير .. مستغلين حقيقة علمية بتقول اننا كل ما نحفر عمق اكبر بتزيد درجة الحرارة بمعدل 2.7 درجة لكل 100 متر ..
.
دا غير اننا ممكن نستغل وجود ينابيع حارة فى بلادنا ونسحب منها المية مباشرة .. او نستغل الانفاق الطبيعية اللى بتوصل بينها وبين الاعماق الكبيرة فى القشرة الارضية واللى بتسبب سخونة المية فيها .. وبالتالى نوفر كتير من تكاليف اعمال الحفر اللى بتخلى النوعية دى من المحطات باهظة التكلفة بالرغم ان تكاليف تشغيلها لا تذكر ..
.
مشكلة النوع دا من الطاقة انه مش متوفر فى كل بلاد العالم .. مناطق معينة بس اللى نقدر نعمل فيها الكلام دا .. بنسميها المناطق الحارة .. ودى ملهاش علاقة بطبيعة المناخ فيها .. بدليل ان معظم اوروبا بتقع ضمنها ..
.
طيب بالنسبة لمصر ايه ظروفها ؟!!
الساحل الغربي بالكامل و سيناء بيصنفوا كمناطق حارة مناسبة لانشاء النوع دا من المحطات .. ناهيك ان تكلفة انشائها تكاد تتساوى مع تكاليف انشاء محطات نووية .. الا انها بلا شك اكثر امانا وارخص فى تكاليف التشغيل .
.
طاقة الحرارة الجوفية ارخص من الطاقة الشمسية نفسها ..
.