.
اباح الله التعدد لصيانة الاعراض..
وشرع التعدد في كل الشرائع السابقة.. الا ان الاسلام قيد عدد الزوجات ب ٤ فقط بعد ما كان العدد مفتوح .. في حين ان سيدنا سليمان مثلا كان متزوج من ١٠٠٠ امرأة في وقت واحد و مثبت الكلام دا في صحيح مسلم ومثبت انه تزوج ٦٠٠ في آن واحد في كتب اليهود..
.
كتير جدا من الانبياء عددوا الزوجات

• سيدنا ابراهيم تزوج سارا وهاجر وقنطورا وحجون.
• سيدنا اسماعيل تزوج السيدة و عمارة.
• سيدنا يعقوب تزوج راحيل و ليا و زلفي وبلهي.
• سيدنا موسي تزوج بنت حباب وجبشية وبنت قيني وسفورة.
• سيدنا داوود تزوج معجة واخينعوم وميكال وابيطال واميجاث و٤ غيرهم.
  .
  سامعك ياللي بتقول المسيحيين مبيعددوش..
  معظم الطوائف فعلا مبتعددش وقلة اللي بتعدد.. لكن الكلام دا بقرارات كنسية مش بنصوص شرعية زي الطلاق كدا اللي كان موجود قبل ٨٠ سنة في مصر واتمنع بامر الكنيسة .. وهم ليهم طريقة مختلفة عننا في ادارة شؤونهم الدينية واحنا ملناش فيه..
  .
  لكن النصوص الدينية المسيحية مبتحرمش التعدد.. بالعكس بتبيحه من وجهين :
  1- قول سيدنا المسيح ( ما جئت لانقض بل لاكمل) بمعني انه ملغاش تعاليم اليهود بل كمل عليها.. ودا سبب تقديس المسيحيين للعهد القديم بجانب الانجيل.
  2- الايات اللي مالية الكتاب المقدس اللي بتؤمر بالعدل بين الزوجات.. طب هتؤمر بالعدل بينهم ازاي ومفيش تعدد؟!.. الايات اللي بتنهي عن الجمع بين البنت وامها والاخت واختها.. هيبقي فيه جمع ازاي ومفيش تعدد؟!
  .
  الكلام دا لتوضيح المسألة ومرة تانية بقول بخصوص الشأن المسيحي فملناش فيه.. عايزين يعددوا براحتهم يفردوا براحتهم. دا دينهم مش ديننا.
  .
  سامعك ياللي بتقولي التعدد مباح اه بس بشرط العدل و ربنا قال ( ولن تعدلوا)..
  اولا الاية بتقول ( ولن تستطيعوا ان تعدلوا بين النساء ولو حرصتم)
  ثانيا العدل في الاية مقصود بيه العدل في الحب.. والقلوب بايد ربنا ملناش دخل بيها فمش محاسبين عن التفرقة بين الزوجات في الحب.. ولو فرضنا بصحة فهمك الخاطئ فانتي كدا بتقولي ان النبي صلي الله عليه واله وسلم كان ظالم وممارسته التعدد حرام لتفضيله خديجة وعائشة عن باقي النساء
  ثالثا العدل اللي هيتحاسب عليه الراجل هو العدل في المسكن والمأكل والملبس والمبيت..
  .
  سامعك ياللي بتقولي هو انا ناقصني ايه علشان جوزي يتجوز عليا؟!
  وستنا اسماء بنت ابي بكر كان ناقصها ايه؟! انتي احسن منها؟
  .
  سامعك ياللي بتقولي طب ما بدل ما يعدد.. يجوز فقير.
  في الوقت اللي كان فيه كتير من الصحابة معددين.. احد الصحابة طلب من النبي تزويجه من المرأة الواهبة فقاله التمس ولو خاتم من حديد.. كمهر يعني.. الصحابي دا كان فقير لدرجة انه معرفش يجيب خاتم حديد.. مشوفناش يعني الصحابة بطلوا تعدد و جوزوا غيرهم من الفقراء!
  وبعدين بعيدا عن التعدد.. انتي مالك اصلا؟ لو جوزك اشتري شقة ٣٠٠ متر هتروحي تقوليله اشتري شقتين ١٥٠ نسكن في واحدة وندي التانية لعريس فقير؟!
  .
  فوق الكلام دا.. عايزك تعرف انه شرعا مفيش حاجة اسمها التعدد يبقي باذن الزوجة الاولي.. ولا شرط عدم التعدد اللي بينكتب مع عقد الزواج له قيمة لانه باطل علي الراجح وان خالفه جمع من الفقهاء .. واعلام الرجل لزوجته من عدمه لا يبطل الزواج التاني..
  .
  والست اللي رافضة التعدد متعرفش احساس واحدة كبرت في السن ومتجوزتش في مجتمع بيمارس عليها اشد انواع التنمر والاقصاء.. ولا جربت احساس مطلقة وارملة في اشد الحاجة لاشباع حاجاتها و رغباتها وابسطهم الألفة والسكن.
  .
  .
  اخيرا.. تناول الامر دا بالسف والتسخيف و ال (البيض) علي الستات اخشي انه يكتب في ميزان الساخر ( تنفير مما شرع الله). ومش طبيعي ابدا نقضيها ألش و ترويش وبعدها نعيب علي الستات قلة عقولهم لانهم بيتقمصوا من سيرة التعدد!!
  .
  .
  تعديل :
  ياريت البوست ميلمش العيال الطرية اللي بتوزع كيوتنيس في الكومنتات كمحاولات بائسة للشقط.. واللي معترض علي اي كلمة قولتها يكلمني بالشرع ويقينا هقول سمعنا واطعنا..