هل كل ما ينطق به النبي وحي ؟

.
.
مش كل حاجة بيقولها النبى – صلى الله عليه واله وسلم – وحي .. بدليل قوله (( إنما أنا بشر .. إذا أمرتكم بشىء من دينكم فخذوا به .. وإذا امرتكم بشىء من رأيي فإنما أنا بشر )) والحديث فى مسلم ..
.
كدليل اخر على الكلام دا .. النبى صلى الله عليه واله وسلم مر على قوم ( يلقحوا ) نخلهم .. فقالهم ( لو لم تفعلوا لفلح ) .. سمعوا كلامه .. النخل طلع تمر فاسد .. فلما شافه النبي سألهم ( ما لنخلكم ) .. قالوا : قلت كذا وكذا .. فقال ( أنتم أعلم بشؤون دنياكم ) ..
.
مع اتفاقنا ان كلام النبى كان خاطىء فى الاول باقراره نفسه .. هنا احنا عندنا 3 احتمالات :-
1- ان كلام النبى الاول وحي .. بس طلع غلط .. والكلام دا كفر يخرج من الملة لا عذر فيه بجهل ..
2- ان كلام النبى مجرد رأي شخصى .. ولان النبي مش متخصص فى الزراعة اخطأ .. ودا عادى ..
3- ان كلام النبى وحي وتعمد الخطأ لتصويبه والتعلم منه بأخر كلامه فى الامر ( انتم اعلم بشئون دنياكم ) .. والكلام دا بعيد عن الصحة تماما وان كان هيوصلنا لنفس النتيجة .. اننا ادرى بالزراعة وغيرها من العلوم الحياتية من النبي .
.
فالاستدلال بـ ( ان هو الا وحي يوحي ) و ( ما ينطق عن الهوى ) هنا عن كلام النبى صلى الله عليه واله وسلم فى الطب وغيرها من العلوم الحياتية .. استدلال فاسد ..
.
طيب الحجامة .. الحبة السوداء .. دول من امور الدنيا ولا الدين ؟ مغفل اللى يقول الطب من امور الدين ..
طيب السواك ؟ السواك لما حد سألني عنه قلتله بوضوح ( العبادات توقيفية ) .. خدها زى ماهى كدا كعبادة .. وان كان كتير من العلماء قالك فرشة الاسنان افضل من السواك التقليدي ( عود الاراك ) .. وحتي علماء السلف منهم كتير اللى قالوا ان لفظ السواك شامل لكل ما تدلك به الاسنان .. عود زيتون .. جريد نخل .. أى حاجة ..
.
.
الحجامة والحبة السوداء ليهم فوايد.. بس هيفضلوا من امور الدنيا مش الدين .. مينفعش واحد يجيله سرطان ولا عسكري ياخد رصاصة فى جنبه ويسيبوا التقنيات الحديثة ويكتفوا بالحجامة .. دا جهل و دروشة ..