ازاي وصل الخمورجي سعد زغلول للحكومة

سعد بدأ حياته كطالب فى الازهر تتلمذ على ايد جمال الدين الافغاني .. بعدها اشتغل معاه زى كتير من الشباب فى جريدة الوقائع المصرية ..
.
بعدها انتقل لوزارة الداخلية كباش كاتب ؛ وبعدين انفصل من الوزارة لاشتراكه فى الثورة العرابية ..
.
الثورة العرابية فشلت لكن كان ليها فلول .. جماعة تكونت اسمها ( جمعية الانتقام ) حاجة كدا شبه البلاك بلوك اللى ظهرت بعد ثورة يناير .. تبعتها جماعة ( المؤامرة الوطنية المصرية ) واللى كانت بتقبل اى عضو حابب ينتسب اليها بمجرد سداده مبلغ 5 جنيه ومبايعته على السمع والطاعة. وعرفت الجماعة دى بعشوائية الحراك .. فكان بعض اعضاءها بيستخبوا فى الشوارع واى عسكري انجليزي يعدي يصطادوه .. مفيش مركزية ولا فيه خطة ولا دراسة لتبعات عملياتهم.
.
الطريقة الساذجة فى ضم الاعضاء دى تسبب فى كشفهم في خلال كام شهر اتحبس على اثرها سعد لمدة 3 شهور ..
.
.
كل الكلام دا حلو .. اللى حصل بعد كدا بقى انه فهم الزتونة وعرف انه مش هيقدر يوصل لقلب الطبقة التانية من الحكم و يكون له مكانه فى مصر الجديدة ( زى عبناصر كدا ) .. فقالك كفاية مرمطة بقى و اتغطي بجناح السلطة ..
.
انضم لجماعة ( اصدقاء الانجليز ) اللى اسستها اقذر ملكات مصر ( الملكة نازلي ) اللى كانت على علاقة مشينة بأحمد باشا حسنين واللى هربت من مصر وارتدت عن الاسلام هى وبنتها ( شوف التعليق هضيفلك معلومة بخصوصها ) ..
.
استمر سعد زغلول فى محاولته للاندماج فى وسط ( الذوات ) فقرر يتعلم الانجليزية علشان ( يشبه ) وبعدها تقدم للزواج من بنت رئيس الحكومة مصطفي فهمي باشا واللى علمته الفرنسية علشان الشياكة ..
.
الدنيا احلوت فجأة .. اتعين وكيل نيابة .. وفي خلال 8 سنين بس بقى رئيس نيابة ونائب قاضى وكمان اخد ( البكوية ) .. وبعد مابقى نائب قاضى ب 5 سنين حصل على ليسانس الحقوق 😉
.
بعدها تيجي مرحلة العمل المجتمعي لتحقيق ظهور على نطاق اكبر و تلميع تصحبه توصيات عند البلاط الملكي .. فينضم لفئة المنار وتحديدا الجناح السياسي ودا وصله انه يمسك وزارة المعارف وبعدين الحقانية ..