الشيطان بيل جيتس

.
يمكن كلنا ملاحظين انبهار معظم الشباب ببيل جيتس .. اغني رجل فى العالم .. مؤسس مايكروسوفت .. وصاحب الاعمال الخيرية العظيمة اللى بتستهدف اطفال فقراء العالم التالت .. وقد ايه هو رحيم وانسان بلا بلا بلا .. ومرة يقف فى طابور مطعم برجر .. ومرة يشتغل عامل فى مطعم على مكنة ايس كريم !! قنبلة انبهار بقى بدون ما نفكر لدقيقة ان كانت الصور دى مقصودة بتوجيهه ولا لا ..
.
لكن الحقيقة ان بيل جيتس من اقذر الشخصيات على وجه الارض .. بني ثروته على انقاض شركات تانية اسقطها عمدا .. كيانات كتير اتقفلت على ايده .. رجال مال واعمال واجهوا عقوبة السجن بسببه .. مئات الالاف من العمال فقدوا وظايفهم بسبب اجراءاته .. ناهيك عن احتكاره للسوق ودى المصيبة اللى بنحاول نتخلص منها من فترة .. نفس السيناريو هتلاقيه اتكرر فى ابل وجوجل وغيرهم بالمناسبة ..
.
.
بالاضافة للكلام دا .. مؤسسة جيتس وميلندا التابعة له .. الممول الاول لمنظمة الصحة العالمية واللى بتدفعلها اكتر ما بتدفع الولايات المتحدة وانجلترا وألمانيا .. متورطة فى فضايح بالهبل .. وخلاصة الكلام فى النقطة دى ان المنظمة نفسها اعترفت ان تمويل جيتس وميلندا دايما بيكون مشروط وانهم هم اللى بيقرروا اوجه صرف تبرعاتهم وطبعا المنظمة بتقول سمعا وطاعة ..
ناهيك ان العقاقير والامصال اللى بياخدها الاطفال فى العالم التالت مبياخدوهاش ببلاش .. اطفالنا مجرد فئران تجارب لامصال وطعوم تحت التجربة !!
.
ولو رجعت لتاريخ بيل جيتس هتلاقى – على عكس المشهور – ان ابوه كان من رجال الاعمال وكان بيرأس منظمة بتعمل على ( الهندسة الانجابية لسكان الكوكب ) .. حاجة كدا شبه اليوجينيا بتاعة النازيين .. الناس دول اغبياء وعبء على الارض .. نقوم نتحكم فى نسلهم ونزود اعداد اللى شايفينهم كويسين ونقلل اعداد اللى شايفينهم وحشين !!
.
الكلام دا اعترف بيه بيل جيتس من 15 سنة تقريبا وقال انه كان مؤمن به لكن قناعاته تغيرت فى الفترة الاخيرة .. وبالتأكيد ان كل الشواهد بتقول ان قناعاته لم تتغير اطلاقا ..
.
.
حبيبي بطل تنبهر بالناس دى .. دول شياطين والله العظيم ..
حبيبي محدش بينفق مليارات بدون مقابل .. ولا استثني احدا !!
>
>
تعديل : للناس اللى كذبت الكلام دا بالرغم من انه معروف لاى حد متابع الكوكب فيه ايه .. ومن غير حتي ما يسألوا العم جوجل بحثا عن مصادر موثوقة .. سبتلكم بعض المصادر فى كومنت !!