حقيقة النافق قابوس ===========احتراما لوقتك البوست هياخد منك 3 دقايق=======================.للاسف الفكرة المنتشرة عن قابوس انه كان راجل كيوت فى حاله كافى خيره شره .. واحد مش دريان بالدنيا وبيظهر فى الكوميكس وهو بيسأل السيسي عن صحة جمال عبد الناصر ..لكن الحقيقة ان الراجل صاحب تاريخ غير مشرف بالمرة .. والحكاية بتبدأ من اعداده فى بريطانيا .. في مطلع شبابه درس فى اكاديمية ساندهيرست العسكرية البريطانية ( زى الكلية الحربية عندنا ) .. اتخرج منها ملازم اول وانضم للجيش البريطاني وخدم فى المعسكر البريطاني فى ألمانيا .. بعدها جت المرحلة التانية لتجهيزه للانقلاب على ابوه السلطان سعيد المعروف بتدينه وحربه للتغريب .. فقام بتجريم الخمر والمعازف والتدخين .. وان كان السبب فى الحقيقة ان بريطانيا شافت حكمه مهزوز ومحتاجين بديل يقف على ارض صلبة .. ودا يفسر دعم بريطانيا المرحلي للسلطان سعيد للتخلص من الامام الاباضي غالب بن علي .. اللى حاول الانفصال بولاية عمان عن مسقط .. دعم بريطانيا وصل لدرجة ارسال جيش قام باجتياح عمان بالمعني الحرفي … المرحلة التانية شملت تدريب قابوس على ادارة الحكومات .. اساليب الادارة والتنظيم .. بالتزامن مع الكلام دا بدأ تمرد سلطان صلالة ( المحدود ) بتوجيهات بريطانية .. المدينة اللى بتعتبر زى الاسكندرية كدا بالنسبة لمصر .. العاصمة التانية .. وبعد ربط الاحداث ببعضها والحصول على مراسلات بعتها ابنه للشيخ بريك ابن سلطان صلالة .. عرف السلطان سعيد على وجه اليقين انه فى اخر حكمه وان البديل الجاهز له هو ابنه قابوس .. .هنا بقى بدأ يتصرف كشارب الخمر .. حدد اقامة ابنه .. دهن زجاج شبابيك القصر بلون معتم علشان محدش يعرف ايه بيحصل جوة .. سور المدن ومنع التنقل بينها ليلا .. بدأ يراجع كل طلبات الوفود الى عمان من الخارج بنفسه وحوارات كتير كدا .. .لكن كل دا ممنعش بريطانيا فى اصدار الضوء الاخضر لابنه وسلطان صلالة بالتمرد عليه وعزله سنة 1970 بعد 4 سنين من تحديد اقامة ابنه قابوس .. واستغلوا انهاك جيشه فى ثورة ظفار اللى كانت مدعومة من عبد الناصر وروسيا بتمويل من القذافي لاعتناقها الشيوعية والاشتراكية .. واصيب السلطان سعيد بعيار نارى فى رجله غالبا ابنه هو اللى اطلقه عليه لشل حركته لكن الجانب الموالى لقابوس بيقول ان هو اللى اصاب نفسه بنفسه !!.بعد تولى قابوس الحكم مكانتش الدنيا وردي .. ثورة ظفار كانت لسة شغالة ودى بقى بدعم اعداء بريطانيا .. روسيا ومصر وليبيا .. فمش متاح ترويضها زى ما حصل مع سلطان صلالة .. فمكنش متاح غير الحل العسكري خاصة وانهم كانوا بيستهدفوا المصالح البريطانية فى حقول النفط بتوجيهات من مخابرات ناصر .. وفعلا تم اخماد ثورة ظفار بواسطة الجيش البريطاني …مصلحة بريطانيا فى عمان بتنقسم لقسمين .. قسم قديم سببه موقعها الجغرافي اللي ممكن تقفل من خلاله خليج عمان ومضيق هرمز ببحريتها .. وقسم جديد سببه الاكتشافات البترولية الضخمة اللى بدأت سنة 1968 واللى استفادت بيها بريطانيا بشكل كلي .. ودا اللى خلاها تعجل التخلص من سعيد واستبداله بقابوس كحاكم مدجن اقوى من سابقه لاحكام قبضتها علي بلده . .ومن يومها وبريطانيا بتحكم عمان من خلال كرسي السلطان قابوس .. ودا يفهمك ليه كان اول تصريح للسلطان هيثم ( سنسير على نهج قابوس فى العلاقات الخارجية ) .. كلامه دا تقدر تعتبره ببساطة ( بيعة ) لملكة بريطانيا .. والهدف منه تثبيت حكمه …برضو دا يفهمك ايه حكاية قابوس مع الصهاينة ونتنياهو .. وبتعجب جدا من اللى بيقولوا عادى ما كل الناس مطبعة مع الصهاينة .. فبدل ما يجرم كل اللى طبعوا مع الصهاينة ويتكلم عن جريمة التطبيع بكل حزم ورجولة بنلاقيه بيتكلم بطريقة ( ودت العاهرة لو كل النساء زواني ) !!وبتعجب جدا من الناس اللى بيقولوا دا كان مظبط شعبه .. ياريت يجيلنا واحد زى قابوس .. معرفش ازاى ممكن واحد يقدم كرشه على حرية بلده وسيادة قرارها !! تموت الحرة ولا تأكل بثديها .. ..خلاصة القول .. قابوس كان سلطان مدجن .. و هيثم سلطان مدجن .. وعمان مستعمرة بريطانية .. بالمناسبة .. قابوس مات برتبة مشير فى الجيش البريطاني 🙂