تحفظ قيمة فلوسك ازاى وانت داخل على ازمة اقتصادية ؟!

.
الاجابة ببساطة في انك تستثمرها فى مجال آمن .. او تحولها لاحد اصول الملاذ الآمن زى الين الياباني او الفرانك السويسري او حتي الدولار والدهب..
.
طيب امتى نوصف اي حاجة بانها عملة ملاذ آمن ؟
لو توفرت فيها الشروط دى :-
1- السيولة وسهولة التداول : بمعني انك لو حبيت تحولها لفلوس فى اى وقت هتقدر بسهولة.
2- الثبات : قيمتها ثابته بمرور الوقت .. او بتتغير تغير محدود..
3- ميزان العرض والطلب : لازم يكون الطلب عليها اكبر من المعروض منها ؛ متروحش مثلا تحول فلوسك لشقة فى مدينة العلمين الجديدة ب 20 مليون ولما تحب تبيعها تلبس .
4- الثقة : مش احد العملات الرقمية مثلا باستثناء البتكوين لان ليها ظروف خاصة ( و وجب التنبيه ان الازهر افتي بحرمتها ) ..
5- الوظيفية والاستمرارية : بمعني انك لو هتلجأ لتحويل اموالك لسلع فلازم تتأكد انها مش هييجي عليها يوم وتتهالك او يتم استبدالها بسلع جديدة .. زى التليفزيونات القديمة مثلا CRT واللى استبدلت بتليفزيونات LCD و LED ..