احتاجات الولايات المتحدة ( ج1: أطراف الصراع )

احتراما لوقتك البوست هياخد منك دقيقة

.

• الاحتجاجات فى الولايات المتحدة من النوعية دى بتحصل كل فترة مع قتل اسود او اسيوي او لاتيني او مسلم .. لكن مبتكونش بالحدة دى.
• اللى وصلها للحدة دى الظروف المحيطة بيها .. سواء اقتراب الانتخابات الرئاسية .. او سعي ترامب الحثيث لفرض عقوبات دولية على الصين وكبح جماحها بحجة كورونا كذلك سعيها لعرقلة الصين فى فرض قانون الامن القومي الجديد على هونج كونج ودا بيمثل خطورة كبيرة على الصين فى المستقبل القريب.. كمان حربه ضد شركات ضخمة بحجم تويتر واللى خسرت بتصريح منه حوالي 6% من قيمة أسهمها. واللي كمان قطعا مستفيدة ماديا من الاحداث وعايزك تفتكر وضع فيس بوك قبل وبعد 25 يناير فى مصر كان ايه .
• من ناحية تانية هتلاقى ان بوتين شريك غير مباشر فى التطورات والسبب ان الولايات المتحدة بتسعي لتعميق العداء الجيوسياسي ما بين روسيا والصين .. دا اللى بيحاول بوتين افشال مخططاته بطرق عدة منها الكركبة اللى حصلت بخصوص فضيحة انتخابات ترامب . وبيلعب من فترة على التقارب بينه وبين الصين اعتمادا على مبدأ ( عدو عدوي صديقي ) .. وبالفعل قدر يحقق نجاح كبير ..
• على الخط بتدخل معانا جماعات مسلحة ما بين معتنقين لافكار عنصرية حالمين بدولة الرجل الابيض ( زى النازيين الجدد و تريبل ك و حليقي الرؤوس ) و مناهضين للافكار دى زى ( أنتيفا – الاناركيين و بوجالو بويز ) ..
  .
  .
  الخلاصة .. مش هتقدر تفهم اللى بيحصل الا لما تعرف مين ايده جوة اللعبة .. محتاج تعرف انها حرب بين اطراف عدة .. مينفعش تحصرها فى فريقين .. فريق مؤيد لترامب وفريق معارض له .. فمثلا من بين الاطراف الداعمة للمظاهرات فى السر والعلن اللي هدفهم انهاك الولايات المتحدة .. ومنهم اللى هدفه حرق ورقة ترامب قبل الانتخابات .. ومنهم اللى هدفه شغل الولايات المتحدة عن التدخل فى قضايا تخصه ..
  .

احتجاجات_امريكا