بما انى بقيت دايما اتسأل عن الحاجات اللى بستخدمها فى التصوير و تسجيل المحاضرات .. فخليني اجاوب هنا مرة واحدة :-
.
كتابة المحاضرة :
بستخدم لابتوب المحاضرات + جرافيك تابليت Huion 580 ( خطك مش هيطلع حلو اوى معاه لكن مفهوم ) .. ومعاه برنامج الوورد اللى بيتعرف على الجرافيك تابلت مباشرة.. وتسجيل الشاشة ببرنامج Fast Stone Screen Recorder.
.
التصوير :
بستخدم Nikon D750 + لينس NIKKOR 50mm f/1.8G.
.
الخلفية والاضاءة :
عامل ستوديو عندى فى البيت .. خلفية كروما خضراء + 2 سبوت ليد 100 وات لاضاءة الكروما + 2 سوفت بوكس لاضاءة اللوكيشن بتاعي .
.
تسجيل الصوت :
الصوت كان عندي مشكلة فيه فى الاول .. لكن الحوار طلع مجرد اعدادات .. استخدمت اكتر من مايك موجودين عندى اصلا .. مايك سوني ومايك بويا VM600 .. افضل مايك استخدمته TAKSTAR SGC-598 .. ودا اللى سجلت بيه اخر فيديو .. وحتي معدلتش فى الصوت من برنامج المونتاج ..
>
>
ملحوظة : كل الحاجات دى بتخدم على حاجة واحدة بس ( ان الطالب يفهم ) .. فاكتر حاجة بتعب فيها حقيقي انى اجهز المادة العلمية بطريقة يسهل فهمها .. فلو هتبدأ فى شرح مواد كفاية عليك الجرافيك تابليت كبداية و تسجيل الشاشة وبس واهتم بالمادة العلمية .. ولو محتاج تطلع بصورتك فممكن تستخدم كاميرا الموبايل مع اضاءة كويسة وخلاص ..
>
والاهم من دا كله ظبط النية علشان تعبك دا كله ميروحش بلاش