إحنا مصريين ولا عرب ؟!
.
هحكيلك حدوتة ..
مؤسس علم الفلك الحديث ومخترع البندول اسمه بن يونس المصري .. راجل اتولد فى القاهرة .. ابوه كان مؤرخ وعالم حديث .. وجده كان محدث وفقيه عظيم جدا وكان صاحب الامام الشافعي وقال عنه ( ما رأيت بمصر أحدا أعقل من يونس ) ..
بن يونس اتبني له مرصد بالمقطم ومن خلال دراساته اكتشف امور عظيمة جدا .. فمثلا وضع ادق جدول لفروق التوقيت عرف فى زمنه .. عمل جدول لمعرفة غرر الشهور العربية حسابيا بدون رؤية الهلال .. استخدم معادلات جيبية لتحديد توقيتات الكسوف والخسوف .. وغيرها من الانجازات العظيمة اللى مش هطول فى سردها لانها مش لب موضوعنا ..
.
.
ماله بقى بن يونس المصري؟!
لو سألتك بن يونس المصري دا كان اصله ايه .. هتقولى بتهزر .. ما اكيد مصري !!
الحقيقة انه الراجح انه مش من اصل مصري ولا حاجة .. بل أصله بيرجع لقبيلة الصدف بحمير فى اليمن .. يعني يمني الأصل .. بالرغم من كدا لانه اتولد في مصر ونشأ فيها .. وابوه وجده اتولدوا ونشأوا فى مصر .. فبقى ملقب بـ ( بن يونس المصري ) ..
.
ولما نيجي نتكلم عنه بنقول العالم (( المسلم )) بن يونس (( المصري )) ..
.
مفيش تعارض ابدا بين كونك مصري وانك تكون ذو أصل عربي وصاحب هوية إسلامية.. ومن عظيم فضل ربنا علينا ان مصر بلد مسلمة .. فالنقاش دا مش منطقي اصلا .. الكلام دا نناقشه لو انت مولود في تل ابيب .. ساعتها هيبقى فيه صدام بين هويتك الاسلامية و نشأتك بنت الـ $$%#%$^%&^
