تاريخعلوم وتكنولوجيا
أخر الأخبار

معرض الدفاع والتسليح٢٠٢٠

معرض الدفاع والتسليح 2020

احتراما لوقتك المقال هياخد دقيقتين

.

  • المعرض نظمته وزارة الدفاع لاول مرة من سنتين بمشاركة 400 عارض منهم دول ومنهم شركات .. بالاضافة طبعا لجناح وزارة الدفاع المصرية اللى كان الاكبر على الاطلاق.
  • المعرض هيتم تنظيمه فى مركز مصر للمعارض الدولية فى محور المشير – مدينة نصر .. لمدة 4 ايام من 7 ل 10 ديسمبر القادم .. ومتشغلش بالك بالمستشفى الميداني اللى اتعملت جديد هناك لانها كلها فك وتركيب وممكن تتنقل فى اى قاعة مغطاة .
  • هتتفاجىء زي اللى اتفاجئوا من سنتين ان فيه شركات مصرية كتير شغالة فى الصناعات الدفاعية .. منهم اللى بيشتغل بشكل مباشر فى تصنيع حلول عسكرية زى الروبوتات والاسلحة ومنهم اللى بيشتغل على خدمات لوجيستية ومنهم اللى شغال على الانشاءات .. وبتكلم هنا عن الشركات المدنية مش عن الانتاج الحربي ولا بحوث القوات المسلحة.
  • هتشوف هناك كل انواع الاسلحة اللى ممكن تتخيلها .. خفيفة وتقيلة ومتوسطة .. هتشوف مدرعات و دبابات و ذخائر و مقذوفات و منظومات دفاع جوي وطيارات بدون طيار .. حتي القطع البحرية الضخمة هتلاقي منها ماكيتات صغيرة ..
    .
  • التصوير مش ممنوع .. تقدر تصور الاسلحة وتتصور معاها .. بعض الاسلحة ممكن تشيلها زى البنادق الالية والمسدسات .. ممكن تختبر منظور الرؤية فى حالة القناصات مثلا .. إلخ .
    .
  • تقدر تركب الدبابات و المدرعات والمجنزرات و روبوتات المحاكاة و تتصور جواهم عادي..
    .
  • الملتحين والمنتقبات ممكن يدخلوا بدون ادني مشكلة .. متشيلوش هم النقطة دى اطلاقا.
    .
  • هتعرف اكتر عن الصناعات العسكرية لبلدك .. سواء مدرعات ومجنزرات ودبابات او روبوتات محاكاة للمركبات او ذخائر ومقذوفات او اسلحة متوسطة وخفيفة .. بالاضافة الى انظمة الدفاع الجوي اللى منها الرادار العظيم اللى اتكلمنا عنه قبل كدا ( مصري 100% ) و الحرب الكيميائية والقطع البحرية ( هتتوفر ماكيتات ) ..
    .
  • بالنسبة لطلاب هندسة .. فدي فرصة يتعرفوا على المصانع الحربية ومنتجاتها ويختاروا المناسب منها للتدريب.
    .
  • فى جناح وزارة الدفاع هتلاقى شاشات ضخمة بتعرض افلام وثائقية قصيرة ومعلومات عن الاسلحة المعروضة .
    .
  • فى اكتر من مكان داخل الجناح هتلاقى ضباط تقدر تسألهم .. وفى اجنحة الدول و الشركات الدولية هتلاقي (سيلزجية) .. ممكن تسألهم برضو بس رجاءا بلاش تعيش دور زعيم المافيا وكأنك هتشترى بجد.
    .
  • لو حابب تقدم طلب اشتراك فدا هيكون عن طريق اللينك دا https://www.egyptdefenceexpo.com/register-your-interest
    .
  • املأ البيانات بعناية شديدة .. وقبل المعرض بفترة هيبلغوك ان كنت تم قبولك ولا لا .
    .
  • لو انت من المقتنعين ان جيشنا مبيصنعش غير مكرونة وجمبرى فأنصحك تعمل زيارة وتشوف بنفسك .. صدقني – لو انت صادق فى حبك لبلدك – هتخرج من المعرض فى منتهي الفخر ..
    .
  • هكون موجود فى جناح القوات المسلحة بإذن الله يوميا خلال المعرض .. وهقولكم قبلها بحيث نظبط للمقابلة هناك زى المرة اللى فاتت ..
    .
  • كل الصور دي مصورها بنفسى من المعرض السابق .. فيه صورتين موجود انا فيهم اللى هيوصلهم يعرف وش انه جواه جينات قناص ^_^
    .

واعدوا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى