مناظرة الامام الشافعي مع الامام احمد حول كفر تارك الصلاة تكاسلا

.
المناظرة دى من ( الحواديت ) الشائعة جدا بين الناس .. وملخصها كالأتي ..
الامام الشافعي شايف انه مش كافر والامام احمد شايف انه كافر..
فالامام الشافعي سأل الامام احمد : لما هو كافر يرجع للاسلام ازاى ؟
الامام احمد رد : بقول لا اله الا الله..
الامام الشافعي رد : وان كان بيقولها اساسا ؟!
انتهت المناظرة ..
.
.
في الحقيقة المناظرة دي فكسانة ومحصلتش لاكتر من سبب :-
1- دى مش طريقة كلام الامام الشافعي مع مخالفيه خاصة مع واحد بحجم الامام احمد.
2- معلوم ان اللى بيخرج من الاسلام لسبب مبيدخلش فيه تاني الا بزوال السبب .. يعني مثلا لو واحد قالك الصلاة مش فرض ( انكر الصلاة جحودا ودا مفيش اتنين من علماء المسلمين قالوا انه مش كفار ) .. مينفعش تقوللى ماهو بيقول لا اله الا الله يبقى مش كافر وهو منكر لمعلوم من الدين بالضرورة ومكذب لصريح القرآن.
3- الامام احمد متراجعش عن تكفيره لتارك الصلاة تكاسلا ..
.
.
انا ادين بعدم كفر تارك الصلاة ..
لكن بحس بضيق لما بلاقى حد من المنتسبين لمذهبي بينشر الحدوتة الفكسانة دى .. دا مش علم .. دا هبل بعيد عنك ..