جيل كيبل : عدو الاسلام الاول فى اوروبا

كلب البحر اللى فى الصور تقدر تعتبره ( مهندس اعادة هيكلة الاسلام العالمي ) .. واللى حياته كلها عبارة عن استماته فى تهميش المسلمين فى الدول الاوروبية واحكام القبضة الامنية عليهم بالاضافة الى اعادة تشكيل افكارهم الدينية ..
.
جيل كيبل درس فى مصر .. فى الاردن .. وفي المغرب .. بيتكلم العربية بطلاقة شديدة .. واول كتبه اللى ألفها كانت بتتكلم عن الحركات الجهادية فى مصر فى فترة عبد الناصر واصدره اعتقد فى السبعينات .. الكتاب كان بيحمل اسم PROPHÈTE ET PHARAON .. او النبي والفرعون .. دا كان اول كتاب قرأته له .. قرأت ترجمته للانجليزية لان لغتي الفرنسية يادوب اقدر استخدمها فى المحادثات العادية مش الكتب .. الكتاب كان كارثي بمعني الكلمة وبيحاول يلصق افكار العنف بالدين الاسلامي مش بالجماعات المنحرفة فكريا .. ومع اول صفحتين فى الكتاب هتشم ريحة التدليس .. فمثلا هتلاقيه بيذكر قصة سيد قطب وبيقولك الهضيبي مرشد الاخوان كان مبسوط بكتاباته وشايف ان دا احياء للفكر الاسلامي الصحيح مع انه ألف كتاب مخصوص للرد على افكار سيد قطب التكفيرية اسمه ( دعاة لا قضاة ) ..
.
جيل كيبل كان فى مقدمة صفوف اليساريين اللى خاضوا حرب ضد فرانسوا اولاند .. الرئيس السابق لفرنسا بعد نجاحه فى سباق الرئاسة .. والسبب انك تقدر تقول مسلمي فرنسا اتفقوا بشكل جمعي على انتخابه وخرجوا باعداد كبيرة للانتخابات لاول مرة ودا اللى اشعر جيل وشلته بالخطر ..
.
كذلك كان ابرز الداعمين لماكرون فى حملته الانتخابية .. و خلال مسيرته اصدر كتير من الكتب كلها بتوصل نفسى المعني .. الاسلام دين ارهاب .. والحل فى اقصاء المسلمين وتغيير معتقداتهم الدينية ..
,
جيل كيبل من سنين وهو بيحاول التأثير على الساسة الاوروبيين بهدف وقف حركات الهجرة والنزوح من الدول الاسلامية ليهم .. ولتقويض الجمعيات الخيرية الاسلامية ( وانا اراهنكم ان دا اللى هيحصل بعد ما تنتهي المقاطعة ونرجع ننام تاني ) ..
عايزك تاخد بالك ان المسلمين هناك بيمارسوا شعائرهم من خلال مراكز اسلامية .. اللى هى اصلا عبارة عن جمعيات خيرية .. واللى هيبقى من السهل جدا فرض الوصاية عليها او حتي قفلها بعد عملية التقويض اللى بنتكلم عنها ..
.
.
خليني اقولك ان كل خطابات ماكرون هو اللى بيكتبها .. كل سياساته ضد المسلمين هو اللى بيصيغها ..