ليه الصهـ.ـاينة ضربوا مدرسة بحر البقر؟
احتراما لوقتك البوست هياخد منك 3 دقايق
30 طفل اتقتل .. عشرات المصابين .. مدرسة اتدمرت .. بقصف جوى صهـ.ـيوني مستخدمين احدث الطائرات وقتها ( الفانتوم ) ..
.
مش هكلمك عن المجزرة نفسها .. هكلمك عن السبب اللى يخلي الصهـ.ـاينة يستهدفوا مدرسة واطفال بالطيران ..
.
السبب بدأ سنة 1967 بعد النكبة بـأقل من شهر .. حاول الجيش الصهـ.ـيوني احتلال مدينة بور فؤاد بعدد ضخم من المدرعات مدعومة بغطاء جوي .. لكن قوات الصاعقة المصرية حرفيا عملت معاهم الجلاشة .. المعركة دى اسمها معركة راس العش واهميتها الحقيقية مش فى منعهم من احتلال مدينة بور فؤاد .. اهميتها فى انها اعادت للجنود المصريين ثقتهم بنفسهم وايمانهم بقدراتهم و ادركوا ان اللى حصل فى النكبة دا كان حدث عارض نتيجة سوء ادارة ليس اكثر .. مع العلم انهم حاولوا يردوا على خيبتهم فى معركة راس العش بإنزال لانشات فى القناة لفرض السيطرة لكن رجالتنا وجبوا معاهم للمرة التانية.. 25 شهيد مصري و 3 طيارات و لانشين من عندنا راحوا فى مقابل مئات القتلى من عندهم غير اصابة 8 طيارات و8 لانشات و 19 دبابة و 18 مدرعة و 27 مركبة امدادات محملية بالذخائر ..
.
بعدها بأسبوعين بس .. قامت القوات الجوية المصرية المتهالكة بعد النكبة بهجمات متفرقة فى عمق سيناء .. احدثت فيها اضرار بالغة وادت لهروب الجنود الصهـ.ـاينة من جبهات مختلفة.
.
خلال شهرين كان سلاح المدفعية استعاد جزء كبير من قدراته وبدأ فى التمركز فى الاسماعيلية وفجأة بدون مقدمات .. بدأ معركة شرسة جدا وامطر الضفة الشرقية بالنار .. قتل 25 جندي مع اكتر من 300 مصاب كتير منهم ماتوا .. مع 9 دبابات حديثة و عربتين لاسلكي غير الدبابات والمدرعات اللى اتصابت لكن لم تدمر بالكلية .. الكلام دا كان فى سبتمبر 1967 ..
.
بعد شهر بالظبط .. دمرنا المدمرة ايلات شمال بورسعيد .. استخدمنا لاول مرة فى تاريخنا صواريخ سطح سطح .. ودا اللى خلاهم ( يستأذنوا ) من مصر عن طريق الامم المتحدة فى البحث عن قتلاهم فى المياه اللى بتسيطر عليها مصر ..
.
بعد تدمير ايلات بدأ سلاح المهندسين و القوات الخاصة بتنفيذ هجمات فى عمق سيناء و مناطق الارتكاز الحدودية و علي مراكز القيادة الفرعية ومخازن الذخائر .. وحققوا انجازات رهيبة .. وقواتنا كانت بتعبر القناة بشكل شبه يومي فى شكل مجموعات صغيرة بتضرب وترجع ..
.
سبتمبر 1968 بدأت المرحلة التانية من الحرب ..
38 كتيبة مدفعية على طول القناة ضربوا الاهداف شرق القناة وحتي عمق 20كم فى سيناء .. كل الاسلحة اللى قدرنا نستخدمها استخدمناها .. شلينا بطاريات صورايخهم .. دمرنا عشرات الدشم .. عشرات الدبابات والمدرعات .. استهدفنا المراكز الادارية .. تمركزات الامدادات .. مدفعيتهم ومناطق تمركز الافراد .. كل دا فى 3 ساعات بس ..
.
26 اكتوبر فى نفس السنة 23 كتيبة مدفعية امطرت سيناء بقذائفها .. سلاح المهندسين والمخابرات حددوا مواقع الصواريخ بدقة فتم استهدافهم بسهولة .. والمدرعات اللى هربت تم استهدافها عن طريق تحديد مواقعها واتجهاتها بالتصوير الجوى و اعلام رجالة المدفعية بيها .. الضربة دى وجعتهم اوي لدرجة انهم فكروا فى ضرب السد العالي لكن كانوا عاجزين عن ضربه فقرروا ضرب محطة محولاته .. ونفذوا العملية عن طريق متسلليهم بيتكلموا مصري زى المصريين بالظبط فمحدش شك فيهم .. هدفهم من العملية كان توريط عبد الناصر سياسيا لكن اعلام عبد الناصر قدر يحتوى الازمة لدرجة انها اتنست !!
.
فى النصف الاول ل 1969 بدأت مرحلة جديدة من المواجهة .. اكتر من 40 ألف قذيفة مدفعية امطرت سيناء .. عشرات بطاريات الصواريخ اتدمرت .. عشرات الدبابات .. عشرات المواقع الادارية .. غرف اطلاق اللهب بطول خط بارليف .. وفى الفترة دي استشهد القائد العظيم عبد المنعم رياض وهو بين رجالته المرابطين على الساحل الغربي ..
.
الصهـ.ـاينة عملوا حرب استنزاف مضادة .. لكن نتيجتها كان كوميدية اكتر من قناة الفراعين نفسها .. الحرب دى استنزفتهم هم .. خسايرهم كانت اضعاف اضعاف خسائرنا وقواتهم الجوية تآكلت بسبب عدد الطيارات الكبير اللى اسقطها المصريين .. تخيل كدا المصريين بيستنزفوهم .. وهم كمان بيستنزفوا نفسهم ..
.
التفاصيل اللى بعد كدا كتيرة جدا فخلينا نكتفى بدا .. وعايز اقولك ان فى يوم 6/12/1969 قواتنا عبرت القناة واستعادت جزء كبير جدا من شرق القناة وفضلت مرابطة هناك فترة بتغطية من القوات غرب القناة والطيران لحد ما جالهم اوامر بالانسحاب والاستعداد لملحمة جديدة ..
.
.
عرفت بقي ليه الصـ.ـهـ.ـاينة قصفوا اطفال بالطيران ؟!
لانهم معرفوش يعملوا حاجة مع الرجالة .. فاتجهوا لضرب أهداف مدنية للضغط على مصر للقبول بوقف اطلاق النار ..
.
بيتهيألى الاولي من النحيب على شهداءنا فى بحر البقر .. التذكير بالطريقة الامثل للرد على اللى بيتجرأوا على بلدنا وان السلام والتعايش دا كلام المخنـ.ـثين اللى معندهم كرامة .. الحق مبيرجعش غير بالدراع ..
.
أبو_الفتوح
